نۇر-سۇلتاندا ءبىر سۋبۇرقاقتى قىستا تۇمشالاپ، جازدا اشۋعا 38 ميلليون تەڭگە جۇمسالادى

 نۇر- سۇلتان. قازاقپارات - ەلوردانىڭ ءبىر سۋبۇرقاعىن كۇتىپ ۇستاۋعا جىلىنا 38 ميلليون تەڭگە ءبولۋدىڭ ەش قاجەتى جوق.

بۇل تۋرالى بۇگىن «نۇر وتان» پارتياسىنىڭ نۇر-سۇلتان قالالىق فيليالى ءتوراعاسىنىڭ ورىنباسارى ۆلاديسلاۆ سەرگەيەۆ ايتتى، دەپ حابارلايدى قازاقپارات ءتىلشىسى.

«سۋبۇرقاقتى تۇمشالاۋعا جانە قايتا اشۋعا - 38 ميلليون تەڭگە. ءبىز وتكەن جىلى ادەمى يميدجدىك سۋبۇرقاققا وتە قوماقتى قارجى بولدىك. ءبىراق، ءبىز جىل سايىن 38 ميلليون تەڭگە بولەتىن بولساق، وندا مۇنداي سۋبۇرقاقتىڭ قاجەتى قانشا؟» - دەدى ول نۇر- سۇلتان قالالىق اكىمدىگى جانىنداعى قوعامدىق كەڭەس وتىرىسىندا.

ايتا كەتەرلىگى، قوعامدىق كەڭەس وتىرىسىندا نۇر-سۇلتان قالالىق ستراتەگيالىق جانە بيۋدجەتتىك جوسپارلاۋ باسقارماسى باسشىسىنىڭ مىندەتىن اتقارۋشى ايجان تۇگەلبايەۆا 2019 -جىلعى قالا بيۋدجەتى تۋرالى بايانداپ، ءبىر سۋبۇرقاقتى قىستا تۇمشالاپ، جازدا قايتا اشقانعا 38,6 ميلليون تەڭگە اقشا بولىنگەنىن ايتقان ەدى.