شىمكەنتتىك كارديوحيرۋرگتار 38 جاستاعى ازاماتتىڭ جۇرەگىندەگى تەسىكتى جاماپ بەردى
دارىگەرلەر ەمدەلۋشىگە كۇردەلى وپەراتسيانى ءۇش ساعات بويى جاساعان، دەپ حابارلايدى Otyrar.kz
«وتانىڭ ەرەكشەلىگى سول - قابىرعا اراسىنان 4-5- قابىرعا ارالىقتا كىشكەنتاي عانا كەسىممەن 3-4 س م ەندوۆيدەوتوراكوسكوپيالىق قۇرىلىمنىڭ كومەگىمەن ىسكە اسادى. بۇل ءادىستىڭ باسقا وپەراتسيالارعا قاراعاندا ارتىقشىلىعى وتا جاسالعان ناۋقاستار 3-4- كۇنى ۇيىنە شىعارىلادى جانە رەابيليتاتسيا مەرزىمى وتە قىسقا بولادى. تاعى ءبىر ايتا كەتەتىن جايت، كوسمەتيكالىق تۇرعىدان اسىرەسە جاس ايەلدەرگە جانە بالالارعا ىڭعايلى، وپەراتسيادان كەيىنگى تىرتىق بىلىنبەيدى»، - دەيدى شىمكەنت قالالىق كارديولوگيالىق ورتالىقتىڭ ديرەكتورى ەرماعانبەت قۋاتبايەۆ.
ايتا كەتەيىك، شىمكەنتتىك دارىگەرلەر مۇنداي وپەراتسيانى العاش رەت جاساپ، جاقسى ناتيجەگە قول جەتكىزگەن. كۇردەلى وپەراتسيانى جاساۋ ءۇشىن اق حالاتتىلار شەتەلدەن نەمەسە وزگە قالادان بىلىكتى مامان شاقىرتپاي- اق ءوز بىلىكتىلىكتەرى ارقاسىندا ءساتتى جۇزەگە اسىرعان. وپەارتسيانىڭ باسىم بولىگى ەندوۆيدەوتوراكوسكوپيالىق قۇرىلىعىنىڭ كومەگىمەن ىسكە اسقان. قازىرگى تاڭدا الەمدىك كارديوحيرۋرگيالىق تەندەنسيا وسى ادىسكە كوشۋدە.
www.24.kz