اقتوبەدە 38 مىڭ ادامنىڭ ەڭبەكاقىسى كوبەيەدى - بەردىبەك ساپاربايەۆ

None
None
اقتوبە. قازاقپارات - اقتوبە وبلىسىنىڭ اكىمى بەردىبەك ساپاربايەۆ ءوڭىر اكتيۆىمەن كەزدەسىپ، ەلباسى جولداۋىنداعى تاپسىرمالار بويىنشا اتقارىلاتىن جۇمىستى پىسىقتادى، دەپ حابارلايدى قازاقپارات ءتىلشىسى.

اقتوبە وبلىسى بيىل ەكونوميكالىق دامۋدىڭ 5 پايىزدىق ءوسىمىن ساقتاپ قالادى. ال جالاقىنىڭ ءوسىمى 109 پايىزدى قۇرادى. اكىمدىك پەن كاسىپورىندار اراسىنداعى مەموراندۋم اياسىندا ءىرى، شاعىن، ورتا كاسىپكەرلىك يەلەرى ءوز جۇمىسشىلارىنا ەڭبەكاقىنى كوتەردى. دەگەنمەن ءالى دە بولسا جالاقىسى از ادامدار بار. ەلباسى جولداۋىنداعى تاپسىرماعا سايكەس، ەندى ەڭ تومەنگى ەڭبەكاقى 42 مىڭ تەڭگە بولادى.

«مەملەكەت باسشىسى نۇرسۇلتان نازاربايەۆ جولداۋدا 2019 -جىلدىڭ 1-قاڭتارىنان باستاپ ەڭ تومەنگى جالاقىنى 28 مىڭ تەڭگەدەن 42 مىڭ تەڭگەگە كوتەرۋدى تاپسىردى. اقتوبە وبلىسى بويىنشا 38 مىڭ ادامنىڭ ەڭبەكاسى وسەدى. ونىڭ 19 مىڭى بيۋدجەتتىك سالادا ەڭبەك ەتەدى. ياعني، ءار وتباسى جولداۋداعى تاپسىرماعا سايكەس كومەكتى سەزىنۋى ءتيىس»، - دەدى وبلىس اكىمى بەردىبەك ساپاربايەۆ.

null 

ايتا كەتەيىك، «بيزنەستىڭ جول كارتاسى - 2020» باعدارلاماسى تاعى 5 جىلعا ۇزارتىلدى. اقتوبە وبلىسى بيىل بۇل باعدارلاما بويىنشا 5 ميلليارد تەڭگە الىپ، يگەرىپ جاتىر. الداعى جىلدارى 2,5 ميلليارد تەڭگە الىپ، شاعىن جانە ورتا كاسىپتى دامىتۋ جوسپارعا ەنگىزىلدى.

«تاريف، باعا قالىپتى بولۋى ءۇشىن ءبىز باسەكەلەستىكتى دامىتۋىمىز كەرەك. بۇل حالىققا كەرەك ءىس. مونوپوليستەر ءىرى كاسىپورىن سالاتىن كەزدە تاريفكە بايلانباي ينۆەستيسيا سالۋعا ۋادە بەرەدى. كەيىن تەك ءتاريفتى كوتەرۋ ارقىلى ينۆەستيسيا سالاتىنىن مالىمدەيدى. بۇل دۇرىس ەمەس. كەلەر جىلى اقتوبەدە تاريف كوتەرىلمەۋى ءتيىس. تەك پاتەر يەلەرى كووپەراتيۆىنىڭ قىزمەتىنە قاتىستى باعانى قايتا قاراۋ كەرەك»، - دەدى وبلىس اكىمى.

اقتوبە ەكسپورتتىڭ مۇمكىندىگىن ءتيىمدى پايدالانا الماي وتىر. ەۋروپا مەن ازيا اراسىنداعى حاب قىزمەتىن دۇرىس اتقارۋ ءۇشىن لوگيستيكانى دامىتىپ، جول بويىنداعى بيزنەستى جانداندىرۋ قاجەت.

 null

«بىزدە اۋىل شارۋاشىلىعى باعىتىندا ترانسۇلتتىق كومپانيا ءالى جوق. «اكتەپ» ج ش س-ى ەت وڭدەۋ كومبيناتىن ۇلكەيتۋدى شەشپەدى. قارعالى اۋدانىندا قۇس فابريكاسى سالىنبادى، مارتوكتە 5 مىڭ باس ەشكى باعاتىن شارۋاشىلىق تا جوبا كۇيىندە قالدى. اقتوبە - مال شارۋاشىلىعىن دامىتۋعا ەڭ قولايلى ءوڭىر. بىزدە 25 ميلليون گەكتار جايىلىم بار. وڭتۇستىك اۋدانداردا 10 اي مال دالاعا جايىلا الادى. سونىمەن قاتار، سۋارمالى جەرلەرگە قاتىستى قارقىنىمىز دا ماردىمسىز. جىل سايىن ۇكىمەتتىڭ، بانكتەردىڭ مۇمكىندىگىن پايدالانىپ، 8-10 مىڭ گەكتار سۋارمالى جەردى كوبەيتۋ كەرەك. ەكى جىلدان كەيىن وڭىردە كەم دەگەندە 50 مىڭ گا سۋارمالى جەر بولۋى ءتيىس. ءسويتىپ ونى 100 مىڭ گا جەتكىزۋ تاپسىرماسى تۇر»، - دەدى ءوڭىر باسشىسى.

بەردىبەك ساپاربايەۆ اكتيۆپەن كەزدەسۋ كەزىندە اۋدان، اۋىل اكىمدەرىنە ناقتى تاپسىرمالار بەرىپ، ەكونوميكا، اۋىل شارۋاشىلىعىنداعى ءوسىمدى باقىلاپ، حالىققا ەلباسى جولداۋىن ءتۇسىندىرۋدى تاپسىردى.

  

سوڭعى جاڭالىقتار