اتىراۋدا 385 ماس جۇرگىزۋشى جەتى جىلعا كولىك جۇرگىزۋ قۇقىعىنان ايرىلدى
وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، اتىراۋ قالاسى اۋماعىندا الكوگولدى ىشىمدىك ءىشىپ، اۆتوكولىك تىزگىندەگەن 433 جۇرگىزۋشى ۇستالىپ، 385ىنە قاتىستى ق ر اكىمشىلك قۇقىق بۇزۋ كودەكسىنىڭ 608-بابىمەن اكىمشىلىك حاتتاما تولتىرىلعان.
«مامانداندىرىلعان اكىمشىلىك سوتتىڭ شەشىمىمەن بۇل جۇرگىزۋشىلەر 15 تەن 20 تاۋلىككە دەيىن قاماققا الىنىپ، 7 جىل مەرزىمگە كولىك قۇرالىن باسقارۋ قۇقىعىنان ايىرىلدى. سوت قاۋلىسىمەن قۇقىعىنان ايىرىلعان 47 ازاماتقا قاتىستى اتىراۋ قالالىق پوليتسيا باسقارماسىنىڭ انىقتاۋ ءبولىمى ق ر قىلمىستىق كودەكسىنىڭ 346-بابى، 1-بولىگىمەن سوتقا دەيىنگى تەرگەۋ جۇرگىزىپ جاتىر» دەپ حابارلادى دەپارتامەنتتىڭ باسپا ءسوز قىزمەتى.
سونداي- اق، 1-14-قىركۇيەك ارالىعىندا ماس كۇيدە كولىك باسقارعان 30 جۇرگىزۋشى ۇستالعان. ولاردىڭ اراسىنان 24 جۇرگىزۋشىگە ق ر اكىمشىلىك قۇقىق بۇزۋ كودەكسىنىڭ 608-بابىمەن حاتتاما تولتىرىلىپ، 15 تاۋلىككە قاماققا الىنعان. تەكسەرۋ كەزىندە 6 جۇرگىزۋشىنىڭ بۇدان بۇرىن كولىك باسقارۋ قۇقىعىنان ايىرىلعانى انىقتالىپ، ولارعا قاتىستى ق ر قىلمىستىق كودەكسىنىڭ 346-بابىمەن تەكسەرۋ باستالعان.