اۋىلداردا اجىراسۋ 37 پايىزعا كۇرت وسكەن، قالادا نەكەسىن بۇزاتىندار از

None
استانا. قازاقپارات - بيىل قاڭتار- ناۋرىز ارالىعىندا 3,9 مىڭ ەرلى- زايىپتى اجىراستى، دەپ حابارلايدى قازاقپارات ءتىلشىسى Ranking.kz پورتالىنا سىلتەمە جاساپ.

بيىلعى ءى توقساننىڭ قورىتىندىسى بويىنشا ەلىمىزدە 24,5 مىڭ جۇپ نەكە قيعان. بۇل وتكەن جىلدىڭ ءتيىستى كەزەڭىمەن سالىستىرعاندا %10,6 عا از.

قالالاردا تىركەلگەن نەكە سانى %28,1 عا قىسقارسا، اۋىلداردا كەرىسىنشە %55,6 عا ۇلعايىپ، 8,9 مىڭعا دەيىن ءوستى.

ءۇش ايدا 3,9 مىڭ جۇپ اجىراستى. بىلتىرمەن سالىستىرعاندا اجىراسۋ %5,6 عا ازايعان.

بۇل رەتتە قالا حالقىنىڭ اراسىندا نەكەسىن بۇزعاندار از. دەگەنمەن اجىراسۋ اۋىلدىق ەلدى مەكەندەردە %36,8 عا كۇرت ارتتى.

وڭىرلەر بويىنشا ەڭ كوپ نەكە تۇركىستان وبلىسىندا تىركەلدى. بيىلعى 3 ايدا بۇل ايماقتا 2,8 مىڭ جۇپ وتاۋ قۇردى.

سونىمەن قاتار، الماتى قالاسى مەن (2,5 مىڭ نەكە تىركەلدى) الماتى وبلىسىندا دا (2,2 مىڭ نەكە تىركەلدى) شاڭىراق كوتەرگەندەر قاتارى كوپ.

جالپى ەل بويىنشا ەڭ از نەكە ۇلىتاۋ وبلىسىندا تىركەلگەن. مۇندا 264 جۇپ وتباسىلى بولدى.

ال، اجىراسۋ دەرەكتەرى بويىنشا الماتى (494 جۇپ اجىراستى) قالاسى كوش باستاپ تۇر.

كەيىنگى ورىندا - استانا (351 جۇپ اجىراستى) جانە قاراعاندى وبلىسى (341 جۇپ اجىراستى) .

بۇل رەتتە نەكەسىن بۇزعاندار ۇلىتاۋ، قىزىلوردا جانە اتىراۋ وبلىستارىندا از.

اقپارات جانە قوعامدىق دامۋ كوميتەتى جۇرگىزگەن ساۋالناما قورتىندىسىنا ساي، قازاقستاندىقتاردىڭ كوبى اجىراسۋدى قۇپتامايدى.

اتاپ ايتقاندا، ساۋالناماعا قاتىسقان رەسپوندەنتتەردىڭ %39,8 ى اجىراسۋعا جول بەرمەۋ كەرەك دەپ ەسەپتەيدى.

ال %41,3 اجىراسۋ دۇرىس ەمەس، دەگەنمەن ۇنەمى جانجالعا قاراعاندا نەكەنى بۇزۋ ءتيىمدى دەگەن كوزقاراستا.

ال حالىقتىڭ %12,8 اجىراسۋ ومىرگە وڭ اسەر ەتەدى دەپ سانايدى.

ساۋالناماعا قاتىسۋشىلار اجىراسۋدىڭ سەبەبى رەتىندە ەرلى- زايىپتىلاردىڭ بىرەۋىنىڭ ىشىمدىككە سالىنۋى نەمەسە ناشاقور بولۋى (%61,7)، وتباسىنداعى زورلىق- زومبىلىق (%51,1)، قۇمار ويىندار (%47)، كوزگە ءشوپ سالۋدى اتادى (%38,4).

سوڭعى جاڭالىقتار