كەلەر جىلى 37 مىڭنان اسا بوزبالا اسكەرگە شاقىرىلادى
بۇل تۋرالى اشىق تالقىعا شىعارىلعان ۇكىمەت قاۋلىسىندا جازىلعان، دەپ حابارلايدى قازاقپارات ءتىلشىسى.
«وبلىستاردىڭ، استانا، الماتى جانە شىمكەنت قالالارىنىڭ اكىمدەرى زاڭنامادا بەلگىلەنگەن تارتىپپەن اسكەرگە شاقىرۋدى كەيىنگە قالدىرۋعا نەمەسە ودان بوساتىلۋعا قۇقىعى جوق 18 جاستان 27 جاسقا دەيىنگى سانى 37056 ەر ازاماتتى 2023 -جىلدىڭ ناۋرىز- ماۋسىمىندا جانە قىركۇيەك- جەلتوقسانىندا اسكەرگە شاقىرۋدى جۇرگىزۋدى قامتاماسىز ەتسىن. ق ر زاڭناماسىنا سايكەس اسكەرگە شاقىرۋ پۋنكتتەرى مەديتسينالىق قامتاماسىز ەتۋدى ۇيىمداستىرسىن»، - دەپ كورسەتىلگەن قۇجاتتا.
قاۋلىدا جازىلعانداي، ىشكى ىستەر مينيسترلىگى اسكەرگە شاقىرىلۋشىلاردى جيناۋ جانە اسكەرلەرگە جونەلتۋ ورىندارىندا ءتارتىپ ساقشىلارىنىڭ كۇشەيتىلگەن كەزەكشىلىگىن ۇيىمداستىرادى. مەرزىمدى اسكەري قىزمەتكە شاقىرىلعان ازاماتتاردى تاسىمالداۋ جانە ولاردىڭ وزگە دە شىعىستارى رەسپۋبليكالىق بيۋدجەت ەسەبىنەن وتەلەدى.
قاۋلىنى اشىق تالقىلاۋ 7-جەلتوقسانعا دەيىن جالعاسادى.