قىزىلوردادا مال ۇرلىعىمەن اينالىسقان 37 قىلمىستىق توپ قولعا ءتۇستى
وڭىردە بيىلعى جىلدىڭ 8 ايىندا وبلىس كولەمىندە بوتەن مۇلىك ۇرلىعىنىڭ تىركەلۋى 6,8 پايىزعا تومەندەدى. ۇرلىق جانە مال ۇرلىعىن جاساعانى ءۇشىن جالپى 304 ادام قىلمىستىق جاۋاپكەرشىلىككە تارتىلدى. وسىنداي ارەكەتكە بوي الدىرعان 37 قىلمىستىق توپ قولعا ءتۇستى.
«وبلىستا مال ۇرلىعى سىرداريا، جالاعاش، جاڭاقورعان اۋداندارىندا ءجيى تىركەلەدى. ەسەپتى مەرزىمدە تىركەلگەن 104 مال ۇرلىعىنىڭ 24 ى قورادان ۇرلانسا، قالعان 80 ى (77 پايىز) قاراۋسىز، باقتاشىسىز ءجۇرىپ ورىستەن قولدى بولعان. ال، ۋچاسكەلىك پوليتسيا ينسپەكتورلارى تاراپىنان قاراۋسىز جۇرگەن مال يەلەرىنە قاتىستى 1439، ۆەتەريناريا قىزمەتىنىڭ ءتيىستى قۇجاتىنسىز مال تاسىمالداعان 53 ادامعا اكىمشىلىك شارا كورىلدى»، - دەدى قىزىلوردا وبلىستىق پوليتسيا دەپارتامەنتىنىڭ باستىعى مۇحتار قوجابايەۆ وبلىس اكىمدىگىندە وتكەن ۆەدومستۆوارالىق كوميسسيانىڭ كەزەكتى وتىرىسىندا.
ەسكە سالساق، بۇدان بۇرىن قىزىلوردادا كىسى ولتىرگەنى ءۇشىن حالىقارالىق ىزدەۋدە جۇرگەن كۇدىكتى قولعا ءتۇستى.