ءبىر جىلدا ۇن باعاسى 37 پايىز قىمباتتاعان

None
نۇر- سۇلتان. قازاقپارات - ءبىر جىلدا ەلدە ۇن باعاسى% 37 قىمباتتاعان. بۇل تۋرالى قازاقپارات Energyprom.kz رەسرۋسىنا سىلتەمە جاساپ حابارلايدى.

«2022 -جىلدىڭ قاڭتار- ماۋسىم ايلارىندا ەلىمىزدە 1,6 ميلليون توننا بيداي ۇنى وندىرىلگەن. بۇل - بىلتىرعى كورسەتكىشتەن % 1,5 كوپ. وڭىرلەر اراسىندا قوستاناي وبلىسى 552,4 مىڭ توننا كورسەتكىشپەن الدا تۇر. العاشقى ۇشتىككە سولتۇىستىك قازاقستان وبلىسى مەن (164,5 مىڭ توننا) مەن شىمكەنت قالاسى (141,5 مىڭ توننا) كىرىپ وتىر»، - دەپ جازىلعان ساراپتامادا.

قاڭتار- مامىر ارالىعىندا ۇن ەكسپورتىنىڭ اقشالاي كولەمى ءبىر جىل ىشىندە % 86,8 ارتىپ، 292,6 ميلليون دوللار بولعان.

«ت م د ەلدەرىنە 212,7 مىڭ توننا ۇن جىبەرىلدى. بۇل – بىلتىرعىدان % 15,1 كوپ. سونىڭ ىشىندە وزبەكستانعا 158 مىڭ توننا ۇن جونەلتىلگەن. بۇل - ءبىر جىل بۇرىنعى كورسەتكىشتەن % 17,6 ارتىق»، - دەپ جازادى Energyprom.kz.

ال، ت م د- دان تىس ەلدەردىڭ ىشىندە اۋعانستانعا ەڭ كوپ ۇن ەكسپورتتالعان. 552 مىڭ توننانىڭ 551,5 مىڭ تونناسى وسى ەلدىڭ ۇلەسىندە. بۇل – بىلتىرعىدان % 47,1 ارتىق.

«بيىلعى شىلدە ايىندا ۇن باعاسى بىلتىرعىعا قاراعاندا % 36,6 ءوستى. ءبىرىنشى سۇرىپتى ۇن كەلىسىنە 225 تەڭگەدەن ساتىلدى. ال، جوعارى سۇرىپ ۇنىنىڭ ءبىر كەلىسى - 343 تەڭگە. ءىرى قالالاردىڭ ىشىندە ەڭ قىمبات ۇن باعاسى نۇر- سۇلتاندا (424 تەڭگە)، ەڭ ارزان باعا پاۆلوداردا (222 تەڭگە) تىركەلدى»، - دەپ جازىلعان ساراپتامادا.

اۆتور

ەسىمجان ناقتىباي


سوڭعى جاڭالىقتار