قازاقستاندا 37 گرادۋس اياز بولادى

نۇر-سۇلتان. قازاقپارات - 14-قاڭتاردا قازاقستاننىڭ ءتورت وبلىسىندا اۋا رايى بۇزىلادى، - دەپ حابارلايدى «قازگيدرومەت».

14-قاڭتاردا باتىس قازاقستان وبلىسىنىڭ كەي جەرىندە تۇمان، كوكتايعاق، بۇرقاسىن بولجانادى. وڭتۇستىك- شىعىستان جەل سوعادى، كەي جەرلەردە سەكۋندىنا 15-20 مەترگە دەيىن جەتەدى. ورالدا دا اۋا رايى تۇماندى، جەلدى بولادى.

ش ق و- دا بوران سوعىپ، تۇمان ءتۇسىپ، اۋا تەمپەراتۋراسى 28-33 گرادۋسقا دەيىن تومەندەيدى.

سولتۇستىك قازاقستان وبلىسىنىڭ كەي جەرىندە تۇمان تۇسەدى. اۋا تەمپەراتۋراسى تۇندە 33-38 گرادۋسقا دەيىن تومەندەيدى دەپ بولجانادى. پەتروپاۆلدا اياز 35-37 گرادۋسقا دەيىن جەتەدى.

قىزىلوردا وبلىسىنىڭ كەي جەرىندە تۇمان تۇسەدى. سولتۇستىك- شىعىستان، شىعىستان سەكۋندىنا 15-20 مەترگە دەيىن جەل سوعادى.