+7 (701) 759 90 19
8 °С : نۇر-سۇلتان
12 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

بلوكپوستاعى اپات: قازا تاپقان پوليتسەيدىڭ ايەلى كىنالىدەن 37 ميلليون تەڭگە تالاپ ەتتى

15 قىركۇيەك 20:58
:ءبولىسۋ
بلوكپوستاعى اپات: قازا تاپقان پوليتسەيدىڭ ايەلى كىنالىدەن 37 ميلليون تەڭگە تالاپ ەتتى

الماتى. قازاقپارات - بلوكپوستاعى كولىك اپاتىنان قازا تاپقان ەكى پوليتسەيدىڭ تۋىستارى كىنالى جۇرگىزۋشىنى كەشىرمەدى، دەپ حابارلايدى قازاقپارات ءتىلشىسى.

ازات ازاماتوۆقا قاتىستى ءىستى قاراساي اۋداندىق سوتىنىڭ سۋدياسى ءمادي كوشەكبايەۆ قاراپ جاتىر.

سوت بارىسىندا پروكۋرور مەن قورعاۋشىلار قايتىس بولعان پوليتسەيلەردىڭ تۋىستارى مەن دوستارىنان دا جاۋاپ الدى.

وقيعا ورنىندا مەرت بولعان 42 جاستاعى اعا لەيتەنانت جاراس جانعازيەۆتىڭ ايەلى كۇيەۋىنىڭ قازاسى تۋرالى حاباردى كورشىلەرىنەن ەستىگەنىن ايتتى.

«ءبىز جولداسىم ەكەۋمىز اتا-ەنەممەن بىرگە تۇردىق. جاراستىڭ ارىپتەستەرى ونىڭ قايتىس بولعانىن الدىمەن كورشىلەرگە حابارلاپتى. ولار بىزگە ەستىرتتى»، - دەيدى جەسىر ايەل.

قازىر ول ءۇش بالانى جالعىز ءوزى تاربيەلەپ وتىر. ۇلكەن ۇلى 14 جاستا، قىزى 10 جاستا جانە كەنجەسى - 10 ايلىق.

ول قالقامان اۋرۋحاناسىندا دارىگەر بولىپ جۇمىس ىستەيدى. قازىر دەكرەتتىك دەمالىستا.

«مەن كىنالى ادامدى كەشىرمەيمىن. ول ءادىل جازالانسىن»، - دەدى جانعازيەۆتىڭ ايەلى.

ءوز كەزەگىندە، قازا بولعان داستان ءابدىقانوۆتىڭ ايەلى دينارا امان اپاتقا كىنالى ادامنان مورالدىق زيان كەلتىرگەنى ءۇشىن 1 ميلليون تەڭگە وتەماقى تالاپ ەتتى. ودان بولەك، اسىراۋشىسىنان ايىرىلۋىنا بايلانىستى سوتتالۋشى ازات ازاماتوۆتان 36 ميلليون تەڭگەدەن اسا قاراجات ءوندىرىپ الۋ ءۇشىن ءوزىنىڭ تالاپ ارىزىن جازىپ بەردى. ايتا كەتەيىك، داستان ءابدىقانوۆتىڭ جالاقىسى جىلىنا ەكى ميلليوننان اساتىن.

سوت زالىندا ايىپتالۋشى قازا تاپقانداردىڭ تۋىستارى مەن دوستارىنان كەشىرىم سۇرادى.

«مەن مارقۇمداردىڭ وتباسىىنا كومەكتەسكىم كەلەدى. كەشىرىم سۇرايمىن. ولار مەنىڭ ارىپتەستەرىم بولدى. التى جىل بويى بىرگە جۇمىس ىستەدىك. جاقسى ارالاستىق. مەن جاساعان ىسىمە قاتتى وكىنەمىن جانە قولىمنان كەلگەنشە كومەكتەسۋگە دايىنمىن»، - دەدى ازاماتوۆ.

سونداي-اق، ول 1 ميلليون تەڭگە كولەمىندەگى مورالدىق زياندى وتەي الاتىنىن ءمالىم ەتتى.

سونىمەن قاتار، ءدال قازىرگى ۋاقىتتا 36 ميلليون تەڭگەنى بەرۋگە دايىن ەمەستىگىن جەتكىزدى. ول ناقتى جاۋاپتى كەلەسى سوت وتىرىسىندا بەرەدى.

ەسكە سالا كەتەيىك، ءبىز بۇعان دەيىن ازات ازاماتوۆتىڭ ءوزى كىناسىن تولىق مويىنداعانىن جازعان بولاتىنبىز.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات