قازاقستان پ ت ر دياگنوستيكامەن قامتۋ بويىنشا الەمدە 37-ورىندا تۇر
بۇل تۋرالى ۇكىمەت وتىرىسىندا ق ر دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى قازاقپارات ءتىلشىسى.
«قازاقستاندا 11- تامىزعا 100164 ناۋقاس تىركەلگەن. ونىڭ ىشىندە 25171 ناۋقاس ەم الىپ جاتىر. 73702 پاتسيەنت نەمەسە 73,6 پايىزى ەمدەلىپ شىقتى. 1091 ادام قايتىس بولدى. ۆيرۋس رەپرودۋكتيۆتىلىگىنىڭ نەمەسە 1 ناۋقاستىڭ وزگەلەرگە جۇقتىرۋ كورسەتكىشى 1,72 بولاتىن. كارانتين ەنگىزگەننەن كەيىن رەپرودۋكتيۆتىلىك كورسەتكىشىنىڭ تۇراقتى تۇردە تومەندەگەن كورىپ وتىرمىز. ول 2 ەسەگە، ياعني 0,82 گە دەيىن تومەندەدى»، - دەدى مينيستر.
ونىڭ اتاپ وتۋىنشە، ەل باسشىلىعىنىڭ جان-جاقتى جانە دەر ۋاقىتىندا قولداۋ كورسەتۋى قىمباتقا تۇسەتىن دياگنوستيكالاۋمەن ناۋقاستاردى قامتۋدى كەڭەيتۋگە مۇمكىندىك بەردى. بۇگىندە قازاقستان پ ت ر دياگنوستيكامەن قامتۋ بويىنشا الەمدە 37-ورىندا تۇر.
«ەلدەگى اۋىرعاندار كورسەتكىشى وزگەرتىلىپ، تىركەلگەن جاعدايلار سانى ارتتى. قازىرگى ۋاقىتتا قازاقستان الەمدە 43-ورىندا تۇر. انىقتالعان پاتسيەنتتەردىڭ دەر ۋاقىتىندا ءوزىن-ءوزى وقشاۋلاۋى، امبۋلاتوريالىق جانە ستاتسيونارلىق ەمدەۋمەن قامتۋ، سونىمەن قاتار بايلانىستا بولعان ادامداردى باقىلاۋعا الۋ اۋرۋدىڭ تارالۋىن تەجەۋگە، جاعدايى اۋىر ناۋقاستاردى باقىلاۋعا الۋعا مۇمكىندىك بەردى. قازاقستان دەر ۋاقىتتا دياگنوستيكالاۋدىڭ ناتيجەسىندە Covid-19-دان قازا تاپقاندار كورسەتكىشى بويىنشا 70-ورىندا تۇر»، - دەدى ول.