اقتاۋدا جاڭاجىلدىق شىرشالاردى ورناتۋعا 37 ميلليون تەڭگە ءبولىندى
بۇل تۋرالى اقتاۋ قالالىق تۇرعىن ءۇي-كوممۋنالدىق شارۋاشىلىعى ءبولىمىنىڭ باسشىسى قايرات اقىبايەۆ باسپا ءسوز ءماسليحاتىندا ايتتى، دەپ حابارلايدى قازاقپارات ءتىلشىسى.
«بۇل سوماعا ءبارى كىرەدى. اتاپ ايتقاندا، شىرشانى ساتىپ الۋ، ونى بەزەندىرۋ، ىلەتىن ويىنشىقتارى بار. بىلتىردان قالعاندارىن دا قولدانامىز. وتكەن جىلى بيۋدجەتتەن تىس 7 ميلليون تەڭگەگە گيرلياندالار ساتىپ العان ەدىك. بۇل جابدىقتىڭ 70 پايىزدان استامى ساقتالعان، ياعني ولار دا پايداعا اسادى»، - دەيدى قايرات اقىبايەۆ.
جالپى، جاڭاجىلدىق شىرشالار قالانىڭ ءۇش جەرىنە ورناتىلادى. ولار 4-شاعىناۋدانداعى قالا اكىمدىگىنىڭ الاڭى، 15-شاعىناۋدانداعى تەڭىز جاعالاۋى جانە 34-شاعىناۋدانداعى «دوستىق ءۇيىنىڭ» الدى. مەملەكەتتىك ساتىپ الۋ كونكۋرسىن بيىل «كەرۋەن فاراب ساۋدا» جاۋاپكەرشىلىگى شەكتەۋلى سەرىكتەستىگى ۇتىپ العان. كومپانيا بارلىق جۇمىستى 21 ميلليون تەڭگەگە جاساپ بەرۋدى جوسپارلاۋدا.
اۆتور: ءلايلىم ءالىم