الماتى وبلىسىندا شومىلۋ ماۋسىمى باستالعالى 37 ادام سۋعا كەتتى
بۇل وتكەن جىلعى وسى مەرزىممەن سالىستىرعاندا 5 ادامعا از. دەگەنمەن سايابىرسۋعا ۋاقىت جوق دەيدى قۇتقارۋشىلار. سوندىقتان سۋدا قۇتقارۋ قىزمەتىنىڭ جۇمىس قارقىنى كۇشەيتىلگەن. بالقاش كولىنىڭ جاعالاۋىندا 14 قۇتقارۋشى ءۇش اۋىسىمدا جۇمىس ىستەيدى. جاعاجايدىڭ 25 شاقىرىمىن بىرنەشە رەتتەن شولىپ ءوتىپ، دەمالۋشىلارعا سۋعا ءتۇسۋ ەرەجەلەرى جازىلعان ەسكەرتپە پاراقشالارىن تاراتىپ، قۇلاققاعىس جاساپ وتىرادى.
سارقان وڭىرلىك سۋدا قۇتقارۋ قىزمەتىنىڭ باسشىسى تالعات احمەتحانوۆتىڭ ايتۋىنشا، قۇتقارۋشى ماماندىعىنىڭ وزىندىك قىزىق تا قيىن تۇستارى بار. وسى سالادا 40 جىلدان استام ەڭبەك ءوتىلى بار بىلىكتى مامان ءۇشىن ەڭ اۋىرى قايعىلى اقپاراتتى ءبىرىنشى بولىپ ايتۋ.
«ەڭ ءبىزدىڭ جۇمىستاعى اۋىرى قايعىلى حاباردى اعايىنعا جەتكىزۋ. نە ىستەرىڭدى بىلمەيسىڭ. نە ايتارىڭدى بىلمەيسىڭ. سەنەن ءبىر جاقسى حابار كۇتەدى. ءبىراق كەيبىر جاعدايلاردا امال نە؟ ءبىراق سول قايعىلى جاعدايدىڭ كوبىسى ادامنىڭ وزىنە جاۋاپسىز قاراعانىنان»، دەيدى ول.