مىسىردا 37 عاسىر بۇرىن تۇرعىزىلعان پيراميدا

نۇر-سۇلتان. قازاقپارات - جاقىندا عانا مىسىردا بۇرىن عىلىمعا بەلگىسىز بولىپ كەلگەن پيراميدانى تاپتى.

بۇل تۋرالى كونە مىسىر ىستەرى بويىنشا مينيسترلىك دەپارتامەنتىنىڭ باسشىسى ماحمۋد افيفي مالىمدەدى.

پيراميدا ۇيىندىلەرى كايردەن 40 شاقىرىمدا ورنالاسقان داحشۋر پاتشا قورىمىنداعى سنوۆرۋ پەرعاۋىننىڭ ايگىلى پيراميداسىنىڭ سولتۇستىگىنەن تابىلدى. قازىرگى ۋاقىتتا ارحەولوگتار پيراميدانىڭ ناقتى ولشەمدەرىن انىقتاۋدا.

عالىمداردىڭ سوزىنشە تابىلعان قۇرىلىس تەڭبۇيىرلى پيراميدالار قۇرىلىسىنىڭ العاشقىسى بولعان. ارحەولوگتار پيراميدانىڭ ىشىنە كىرىپ، سودان كەيىن جەر بەتىنە شىعاتىن ەسىگىن تاپتى. سونداي-اق يەروگليفتەر جازىلعان الەباستر كەستەلەردىڭ بولىكتەرى مەن تاس شىعىرلاردىڭ كەسەكتەرى تابىلعان.

سنوفرۋ «قۇرىلىسشىلار ديناستياسى» دەگەن اتپەن بەلگىلى ءتورتىنشى ديناستيانىڭ ءبىرىنشى پەرعاۋىنى بولعان. ونىڭ بارلىق پيراميدالارىندا جەرلەۋ بولىكتەرى بار. ويتكەنى داحشۋر قورىمى ساراي ادامدارى مەن اۋقاتتىلاردى جەرلەيتىن ورىن بولعان. سنوفرۋدىڭ «سىنعان» پيراميداسى پيراميدا تۇرعىزۋداعى ونەرگە اۋىسۋ ءستيلىنىڭ العاشقىلارىنىڭ ءبىرى. پيراميدا قىرلارىنىڭ باستاپقى كولبەۋ بۇرىشى 55°، ءبىراق قۇرىستىڭ استىنداعى جەر ورنىقسىز بولعاندىقتان قۇرىلىس مايىسىپ كەتكەن. سوندىقتان قۇرىلىسشىلار پيراميدانىڭ ىرگەتاسىنا وعان قيعاش ءپىشىن بەرەتىندەي قۇرىلىس ورناتقان:

كونە مىسىر ىستەرى بويىنشا مينيسترلىك ءوزىنىڭ Facebook-تەگى پاراقشاسىندا بۇل جاڭالىق تۋرالى رەسمي تۇردە مالىمدەدى. جاقىندا عانا تابىلعان پيراميداداعى بارلىق زاتتار جاقسى ساقتالعان ەكەن. ءارى قارايعى قازبا جۇمىستارى مەن ەروگليفتەردى زەرتتەۋ كونە قۇرىلىستىڭ بارلىق قۇپياسىن اشادى.

دەرەككوز: ‎ Ministry of Antiquities ‎

سۋرەتتەر: Ministry of Antiquity of Egypt IFLscience ماتەريالدارى بويىنشا.