الەمدە 370 ميلليون ادام ماماندىعىن اۋىستىرۋعا ءماجبۇر - نۇرسۇلتان نازاربايەۆ
«بۇگىندە ادامي كاپيتالعا تالاپ ارتىپ، ءبىلىم بەرۋ پروتسەسى جاڭارىپ كەلەدى. موبيلدى، كرەاتيۆتى ادام كاپيتالى - كەز كەلگەن ەكونوميكا تابىسىنىڭ نەگىزگى اسپەكتىسى بولىپ وتىر. ءدال وسى قاسيەتتەر مەملەكەتتەر اراسىندا جان باسىنا شاققانداعى ج ءى ءو دەڭگەيىنىڭ % 10-30 دەيىنگى ايىرماشىلىعىن جاساپ وتىر. تەحنولوگيالاردىڭ قولجەتىمدى بولۋىنان قازىرگى ۋاقىتتا الەمدىك ەكونوميكاداعى جۇمىس ۋاقىتىنىڭ تەڭ جارتىسى اۆتوماتتاندىرىلدى. وسىعان بايلانىستى، 2030 -جىلعا قاراي، الەم بويىنشا 370 ميلليون ادام قايتا وقىتۋدان ءوتىپ، ماماندىعىن اۋىستىرۋعا ءماجبۇر. بۇل كورسەتكىش جاھاندىق جۇمىس كۇشىنىڭ 14 پايىزىن قۇرايدى»، - دەدى ەلباسى.
ودان بولەك، جاڭا تەحنولوگيالاردى ەنگىزۋ كەيبىر ماماندىقتاردى سۇرانىستان ايىرىپ، جاڭا ماماندىقتاردىڭ پايدا بولۋىنا ىقپال ەتۋدە.
«ءتىپتى تابىس دەڭگەيى تومەن جانە ورتاشا ەلدەردىڭ وزىندە كوپتەگەن ادامدار 30 جىل بۇرىن ءبىز ەستىپ- بىلمەگەن جاڭا ماماندىقتار بويىنشا جۇمىس ىستەپ ءجۇر»، - دەدى ن. نازاربايەۆ.
ايتا كەتەيىك، بۇگىن ەلوردادا XII استانا ەكونوميكالىق فورۋمى باستالدى. «ىنتالاندىرۋشى ءوسۋ: ادامدار، قالالار، ەكونوميكالار» تاقىرىبىندا ءوتىپ جاتقان فورۋم جۇمىسىنا الەمنىڭ 74 ەلىنەن ساراپشىلار، ساياساتكەرلەر، بيزنەسمەندەر مەن عالىمدار قاتىسۋدا.
فورۋمعا قاتىساتىن شەتەلدىك قوناقتار قاتارىندا حالىقارالىق ۆاليۋتا قورىنىڭ باسقارۋشى ديرەكتورى كريستين لاگارد، قىتاي حالىق رەسپۋبليكاسى مەملەكەتتىك كەڭەسىنىڭ ۆيتسە- پرەمەرى حان چجەن، ارمەنيا رەسپۋبليكاسىنىڭ پرەزيدەنتى ارمەن ساركيسيان، Nokia Corporation ديرەكتورلار كەڭەسىنىڭ ءتوراعاسى ريستو سييلاسماا، ەكونوميكا بويىنشا نوبەل سىيلىعىنىڭ لاۋرەاتى جانە وزگە دە تانىمال تۇلعالار بار.
اۆتور: ايجان سەرىكجان قىزى