وسىدان 36 جىل بۇرىن دۇنيەگە كەلگەن الەمدەگى جالعىز التى ەگىز قىزدىڭ ءومىرى قالاي وزگەردى

None
None
نۇر-سۇلتان. قازاقپارات - دجانەت پەن گرەم ۋولتون بالالى بولۋدى قاتتى ارمانداعان. الايدا ولاردىڭ قالاۋى كوپكە دەيىن ورىندالماعان.

تەك كەزەكتى رەت باعىن سىناماق بولعان ولار كوپ ۇزاماي ءبىر ەمەس، بىردەن التى بالانىڭ اتا-اناسى اتاناتىنىن ءبىلىپتى دەپ حابارلايدى KAZ. NUR. KZ bigpicture.ru سايتىنا سىلتەمە جاساپ.

ەرلى-زايىپتىلار بالالى بولۋ ءۇشىن، ءتىپتى، كومەكشى رەپرودۋكتيۆتى تەحنولوگياعا 12 رەت جۇگىنىپتى.

تەك 13- رەتتە عانا ايەل ادام ءوزىنىڭ جۇكتى ەكەنىن بىلگەن.

بولاشاق اتا-انانىڭ قۋانىشىندا شەك بولماعان. الايدا ولار جۇكتىلىكتىڭ 8-اپتاسىندا دارىگەرگە قارالۋعا بارعاندا ءبىر گاپتىڭ بارىن سەزىپتى.

ۋدز مامانى ابدىراپ قالعان، ال ءبىراز ۋاقىتتان كەيىن بولمەگە دارىگەرلەر كىرىپ، تاڭىرقاي ءوزارا سىبىرلاسا باستاپتى.

سول كەزدە ماماندار ەرلى-زايىپتىلاردىڭ ءبىر ەمەس، بىردەن التى بالانىڭ اتا-اناسى بولاتىنىن ايتادى.

1983-جىلدىڭ 18- قاراشاسىندا ۋولتوندار اۋلەتىندە حاننا، رۋت، ليۋسي، كەيت، دجەنني جانە سارا ەسىمدى ەگىزدەر دۇنيەگە كەلدى.

قىزدار جۇكتىلىكتىڭ 31-اپتاسىندا كەسار تىلىگى ارقىلى انگليادا تۋىلدى.

«ەكى قىز تۋىلا سالا ينكۋباتوردا جاتتى. سەبەبى ولار اناسىنىڭ قۇرساعىندا جاتىپ، تولىق دامىپ ۇلگەرمەگەن»، - دەيدى قىزداردىڭ اكەسى.

ەكى ايدان كەيىن دارىگەرلەر اناسى مەن قىزداردىڭ جاعدايى جاقسى ەكەنىن ايتىپ، ولاردى اۋرۋحانادان شىعارىپتى.

باقىتتى اتا-انا جىلىنا 10 مىڭ جورگەك اۋىستىرىپ، بىرنەشە جىل بويى دۇرىس ۇيىقتاماعان.

التى بالانى ءبىر ۋاقىتتا تاماقتاندىرىپ، جۋىندىرىپ، جورگەگىن اۋىستىرىپ، ۇيىقتاتۋ كەرەك بولعان. ال قىزدار وسكەن كەزدە، مەكتەپكە، ۇيىرمەلەرگە، سپورت سەكسيالارىنا بارىپتى.

«العاشقى جىلدارى ءومىرىمىز ءبىرشاما قيىن بولدى... دەسە دە، ءبىر عانا نارسەگە وكىنەمىز، ءبىز ولاردىڭ ەسەيگەنىنەن ءلاززات الىپ ۇلگەرمەدىك. ۇنەمى ۋاقىت جەتپەدى»، - دەيدى قىزداردىڭ اناسى.

بۇگىندە اپالى-سىڭلىلەر 36 جاستا، ولار قازىرگى ۋاقىتتا ءبىر-بىرىنە وتە جاقىن.

حاننا - مەكتەپ وقىتۋشىسى، ونىڭ بىرنەشە جوعارعى ءبىلىمى بار. كەيت كادرلار بولىمىندە، ال ليۋسي جەرگىلىكتى اۋەجولدارىندا قىزمەت ەتەدى.

دجەننيدىڭ جەكە كونديتەرلىك دۇكەنى بار. رۋت اتاستىرىلىپ قويعان. ال سارا 2014-جىلى انا اتانىپ، دجانەت پەن گرەمگە نەمەرە سىيلادى.

«قىزدارىمىزدى تاربيەلەپ، وسىرگەندى قاتتى ۇناتاتىنمىن. ولاردىڭ ومىرىندەگى ءبىر كەزەڭ ەكىنشىسىنەن كۇشتى بولدى دەپ ايتا المايمىن. تەك ءاردايىم ۋاقىتىمىز بولماي، وتباسىمىزدىڭ ومىرىنەن تولىقتاي ءلاززات الا الماپپىز. نەمەرەلەرمەن ءبارى باسقاشا»، - دەيدى دجاننەت.

سوڭعى جاڭالىقتار