10:45, 27 - مامىر 2019 | GMT +6
وزبەكستاندا ۆاليۋتانىڭ 36 پايىزىن بانكتەردىڭ ۇيالى قوسىمشاسى ارقىلى ساتىپ الۋدا
تاشكەنت. قازاقپارات - وزبەكستاندا شەتەل ۆاليۋتاسىنىڭ 36 پايىزىن كوممەرتسيالىق بانكتەردىڭ ۇيالى قوسىمشاسى ارقىلى ساتىپ الىپ جاتىر. بۇل تۋرالى ورتالىق بانكتىڭ باسپا ءسوز قىزمەتى مالىمدەدى، دەپ حابارلايدى «ءوز ا» اگەنتىگى.
جەكە تۇلعالاردىڭ ۇيالى قوسىمشا ارقىلى شەتەل ۆاليۋتاسىن ساتىپ الۋى بويىنشا (ونلاين- كونۆەرسيا) 2018 -جىلدىڭ ساۋىرىندە ەنگىزىلگەن بانك قىزمەتى تۇرعىندار اراسىندا كەڭىنەن تانىلدى.
شەتەل ۆاليۋتاسىن قاشىقتىقتان ساتىپ الۋ ءۇشىن وتاندىق بانكتە اشىلعان حالىقارالىق تولەم كارتاسى، سونداي- اق بانكتىڭ سايكەس قوسىمشاسى جۇكتەلگەن سمارتفون قاجەت. بۇل قىزمەتتى بانككە بارماي-اق، تاۋلىك بويى قولدانۋعا بولادى. بۇل ۆاليۋتالىق-ايىرباستاۋ وپەراتسياسىن ارتتىرۋعا ىقپال ەتەدى.
2018 -جىلى جانە 2019 -جىلدىڭ 4 ايىندا جەكە تۇلعالار 1,2 ميلليارد دوللاردان استام شەتەل ۆاليۋتاسىن ساتىپ العان. ونىڭ ىشىندە 432,3 ميلليون دوللارى، ياعني 36 پايىزى ونلاين- كونۆەرسيا ۇلەسىندە. ءبىر جىلدىڭ ىشىندە بۇل قىزمەتتىڭ ۇلەسى 9 دان 63 پايىزعا دەيىن وسكەن.