اقمولا وبلىسىندا 36 ادام تەلەفون الاياقتارىنىڭ قۇربانى بولعان
ۆەدومستۆونىڭ دەرەگى بويىنشا، اعىمداعى جىلدىڭ قاڭتارىندا بۋراباي اۋداندىق پ ب 1942 -جىلعى زەينەتكەردەن ارىز تۇسكەن. ارىزدانۋشىنىڭ سوزىنشە، ءوزىن پوليتسيا قىزمەتكەرىمىن دەپ تانىستىرعان بەلگىسىز ەر ادام حابارلاسىپ، نەمەرەسىن قاماۋدان بوساتۋ ءۇشىن اقشا تالاپ ەتكەن.
«قۇقىق قورعاۋ ورگاندارىنىڭ اتىن جامىلعان كۇدىكتىنى ۇستاۋعا ارنايى توپ قۇرىلىپ، وعان جەدەل جانە تەرگەۋ توبىنىڭ عانا ەمەس، ىشكى قاۋىپسىزدىك بولىمشەلەرىنىڭ قىزمەتكەرلەرى دە تارتىلدى. جەدەل ىزدەستىرۋ شارالارى بارىسىندا پوليتسيا قىزمەتكەرلەرى قوستاناي وبلىسىنىڭ تۇرعىنىن ۇستادى»، دەپ ءمالىم ەتتى اقمولا وبلىستىق پ د باسپا ءسوز قىزمەتىندەگىلەر.
كۇدىكتى حابارلاسقاننان سوڭ ءوزىن پوليتسيا قىزمەتكەرى رەتىندە تانىستىرىپ، جاقىنىن بوساتۋ ءۇشىن 70000 تەڭگەدەن 100000 تەڭگەگە دەيىن اقشا تالاپ ەتكەن.
قازىرگى كەزدە ول ۇستالىپ، وسىنداي وزگە الاياقتىق قىلمىسقا قاتىسى بار-جوعى انىقتالۋ ۇستىندە.
جالپى، وڭىردە وسىنداي الاياقتىق قىلمىستىڭ قۇربانى بولعان 36 ادام پوليتسياعا ارىزدانعان.
بارلىق وقيعا بويىنشا ق ر ق ك 190 -بابى (الاياقتىق) بويىنشا قىلمىستىق ءىس قوزعالدى.