15:15, 19 - قىركۇيەك 2018 | GMT +6
ا ق ش- تا فلورەنس داۋىلىنان زارداپ شەككەندەر سانى 36 ادامعا جەتكەن
استانا. قازاقپارات - ا ق ش- تا فلورەنس داۋىلىنان زارداپ شەككەندەر سانى 36 ادامعا جەتكەن، دەپ حابارلايدى قازاقپارات LA Times-قا سىلتەمە جاساپ.
تاڭەرتەڭ جاريالانعان دەرەكتەرگە سايكەس، قازا تاپقانداردىڭ باسىم بولىگى - 20 ادام ءوز اۆتوموبيلدەرىندە قۇلتتانىپ، مەرت بولعان.
كولىكتەر داۋىل سالدارىنان بولعان سۋ تاسقىنىنىڭ ەپيتسەنترىندە قالىپ قويىپ، باسقا كولىكتەرمەن سوقتىعىسقان.
فلورەنس داۋىلىنان زارداپ شەككەندەردىڭ كوبى سولتۇستىك كارولينادا تىركەلگەن. ول جەردە 27 ادام مەرت بولعان. التى ادام وڭتۇستىك كارولينادا، ەكەۋى ۆيرگينيا شتاتىندا داۋىلدىڭ قۇربانى بولدى. سونداي-اق، داۋىل سالدارىنان ءۇش ءبۇلدىرشىن قازا تاپتى.
فلورەنس داۋىلىنان بولعان شىعىن 22 ميلليارد دوللارعا جەتىپ وتىر، ءبىراق بۇل ناقتى سوما ەمەس، دەپ حابارلايدى Moody Analytics.
سولتۇستىك كارولينادا ەرجەتكەن تانىمال باسكەتبولشى مايكل دجوردان 2 ميلليون دوللار ءبولىپ، قايىرىمدىلىق جاساعان.