10:59, 17 - شىلدە 2018 | GMT +6
بوكستان ريو وليمپياداسىنا تورەلىك ەتكەن 36 تورەشى قىزمەتىنەن قۋىلدى
استانا. قازاقپارات - حالىقارالىق بوكس قاۋىمداستىعى 2016-جىلى ريو وليمپياداسىندا قىزمەت ەتكەن تورەشىلەردىڭ ءبارىن قىزمەتىنەن قۋدى، دەپ حابارلايدى قازاقپارات ت ا س س اگەنتتىگىنە سىلتەمە جاساپ.
حالىقارالىق بوكس قاۋىمداستىعى 2016-جىلعى ريو ويىندارىندا تورەلىك ەتكەن 36 تورەشىنى قىزمەتىنەن بوساتتى. بۇعان اتالعان وليمپيادا ويىندارىندا جانكۇيەرلەر مەن بوكسشىلاردىڭ كۇمانىن تۋدىرعان شەشىمدەردىڭ كوپ بولۋى سەبەپ.
اتاپ ايتار بولساق، 91 كەلىگە دەيىنگى سالماقتا «التىنعا» تالاسقان رەسەيلىك ەۆگەني تيشەنكو مەن قازاقستاندىق ۆاسيلي لەۆيتتىڭ جەكپە-جەگىندەگى تورەلىك الەم جانكۇيەرلەرىنىڭ نارازىلىعىن تۋدىردى. АІВА اتالعان كەزدەسۋگە تورەلىك ەتكەن جەتى قازىنى ويىننان شەتتەتتى.
ازىرگە، تورەشىلەردىڭ قانشا ۋاقىتقا دەيىن قىزمەتىنەن كەتكەنى بەلگىسىز.
АІВА ريوداعى ويىندارىنان سوڭ تورەلىك جۇيەسىن رەفورمالايتىنىن ەسكەرتكەن بولاتىن.
اۆتور: كۇنسۇلتان وتارباي