قاڭتار وقيعاسىندا ۇستالعانداردى ازاپتاۋ بويىنشا 360 قىلمىستىق ءىستى قارادىق - ولجاس بەكتەنوۆ

None
None
نۇر- سۇلتان. قازاقپارات - سىبايلاس جەمقورلىققا قارسى ءىس- قيمىل اگەنتتىگى قاڭتار وقيعاسى بويىنشا ازاپتاۋعا قاتىستى 360 قىلمىستىق ءىستى قاراعان.

انتيكور باسشىسى ولجاس بەكتەنوۆ ۆەدومستۆونىڭ القا وتىرىسىندا وسىنداي مالىمەت كەلتىردى، دەپ حابارلايدى قازاقپارات ءتىلشىسى.

«سىبايلاس جەمقورلىققا قارسى قىزمەتتىڭ بيىلعى التى ايداعى جۇمىسىنا ەلىمىزدە بولىپ جاتقان وقيعالار اسەر ەتكەنى بارىمىزگە ءمالىم. تەك قاڭتار وقيعاسى بويىنشا قۇقىق قورعاۋ ورگاندارى قىزمەتكەرلەرىنىڭ تاراپىنان ازاپتاۋ مەن وكىلەتتىگىن اسىرا پايدالانۋ فاكتىلەرى بويىنشا اگەنتتىك تەرگەۋشىلەرىنىڭ وندىرىسىندە 360 قىلمىستىق ءىس بولدى»، - دەدى ول.

اگەنتتىك ءتوراعاسىنىڭ سوزىنە قاراعاندا، قازىر قۇقىق قورعاۋ ورگاندارى تاراپىنان ازاپتاۋ فاكتىلەرى بويىنشا 170 ءىس تەرگەۋدە جاتىر.

«بۇل ساناتتاعى ىستەردىڭ سانى وتكەن جىلدارمەن سالىستىرعاندا ەكى ەسە ارتىق. قازىرگى تاڭدا 170 ءىس بويىنشا تەرگەۋ جالعاسىپ جاتىر. 167- ءسى اياقتالدى. 23 قىلمىستىق ءىس ءارى قاراي تەرگەۋ ءۇشىن پروكۋراتۋراعا جولداندى»، - دەدى ولجاس بەكتەنوۆ.

سوڭعى جاڭالىقتار