لوندوندا 360 گرادۋس بەينەلى باسسەين اشىلماق

None
None
نۇر-سۇلتان. قازاقپارات - ءجۇزۋدى جاقسى كورەتىن جاندار ءۇشىن جاقسى جاڭالىق.

لوندوندا الەمدە العاش رەت تىركەلىپ وتىرعان، 360 گرادۋس بەينەلى، بيىكتە ورنالاسقان باسسەين قۇرىلىسى باستالدى، دەپ حابارلايدى CNN.

بۇل باسسەين Infinity London عيماراتىنىڭ 55-قاباتىندا ورنالاسپاق. كولەمى 600000 ليتر سۋ قۇياعا ارنالعان. يدەيا جانە قۇرىلىس اۆتورى - Compass Pools كومپانياسى. ديزاينەرلەر ءدال وسىنداي بيىكتە، 360 گرادۋستىڭ ءبارىن كورسەتەتىن باسسەين الەمدە جوق دەيدى.

حاۋىز اكريلدان قۇيىلىپ جاسالادى، استىڭعى ەدەنى مەن شەتىندەگى قابىرعالارى ءمولدىر شىنى بولماق. سوندىقتان عيماراتتىڭ تومەنگى قاباتىندا جۇرگەندەر جوعارىدا ءجۇزىپ جۇرگەن ادامداردى كورە الادى.

Compass Pools كومپانياسىنىڭ ديزاينەرى الەكس كەمسلي كوپتەگەن تەحنيكالىق ماسەلەلەردىڭ ورىن العانىن ايتتى، سونىڭ ىشىندەگى ەڭ كۇردەلىسى باسسەينگە جۇزۋشىلەردىڭ قالاي ەنەتىنى ۇزاق ۋاقىت تالقىلانعان.

باسسەيننىڭ ادەمى بەينەسىن ساقتاپ قالۋ ءۇشىن ديزاينەرلەر سىرتقى جاعىنا، عيماراتتىڭ اينالاسىنا ەشقانداي ساتى ورناتپاعان. بۇراندالى ساتى سۋدىڭ ىشىنە ورناتىلماق. حاۋىز تۇندە «باعالى فاكەل» سياقتى جىلتىراپ، عيماراتقا ادەمى ءار بەرە تۇسەدى دەپ بولجانىپ وتىر.

حاۋىزدىڭ اينالاسىنا انەمومەتر ورناتىلادى، ول جەلدىڭ جىلدامدىعىن باقىلايدى. سۋدىڭ تەمپەراتۋراسى كومپيۋتەرلىك جۇيەنىڭ كومەگىمەن باسقارىلادى.

55 قاباتتى عيماراتتىڭ شاتىرىندا باسسەين سالىنعاننان سوڭ، ديزاينەرلەر جوعارى قاباتتارىنا 5 جۇلدىزدى قوناق ءۇي سالۋدى جوسپارلاعان. حاۋىز قۇرىلىسى 2020 -جىلى باستالادى.

اۆتور: ايكۇمىس بولاتبەك


سوڭعى جاڭالىقتار