+7 (701) 759 90 19
-7 °С : نۇر-سۇلتان
-2 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

ايەلدەرىنە قول كوتەرگەن 3600 گە جۋىق جامبىلدىق ەسەپتە تۇر

19 قازان 09:54
:ءبولىسۋ
ايەلدەرىنە قول كوتەرگەن 3600 گە جۋىق جامبىلدىق ەسەپتە تۇر

تاراز. قازاقپارات - جامبىل وبلىسىندا تۇرمىستىق زورلىق- زومبىلىق تىيىلماي تۇر، دەپ حابارلايدى قازاقپارات ءتىلشىسى.

بيىلعى 9 ايدىڭ وزىندە قۇقىققورعاۋ ورگاندارىندا وسىنداي 869 قۇقىقبۇزۋشىلىق پەن 10 قىلمىستىق ءىس تىركەلگەن. بۇگىندە ايەلدەردى زورلىق-زومبىلىقتان قورعاۋ توبى ءتۇسىندىرۋ، الدىن الۋ شارالارىنا مىقتاپ كىرىسكەندەرىن ايتادى. وسى كۇنگە دەيىن 50 اۋىلدى ارالاپ، 1 مىڭعا جۋىق كەزدەسۋ وتكىزگەن. ايەلدەرگە قوقان-لوقى كورسەتكەن 3600 گە جۋىق ادام ەسەپكە الىنعان. ولار مۇنداي ارەكەتكە تاعى بارىپ، ءجابىر كورسەتۋىن توقتاتپاسا ءىس سوتقا جولدانادى.

«اكىمشىلىك قۇقىقبۇزۋشىلىق بولسا 10 تاۋلىككە دەيىن قاماققا الىنادى. ودان قىلمىستىق ءىس بولسا سوتتىڭ شەشىمىمەن 3-4 جىلعا دەيىن جازالانۋى مۇمكىن. كوبىنەسە اۋىلدىق جەرلەردە پوليتسيا قىزمەتكەرلەرىن شاقىرىپ، كەيىننەن سوتقا بارمايمىز دەپ قىز-كەلىنشەكتەر ارىز جازۋدان باس تارتادى. ەندى ول جاعدايدا ءبىز قورعاۋ نۇسقامالارىن قويامىز»، - دەيدى وبلىستىق پوليتسيا دەپارتامەنتى ايەلدەردى زورلىق-زومبىلىقتان قورعاۋ توبىنىڭ اعا ينسپەكتورى اقمارال جانىسوۆا.

وڭىردەگى تۇرمىستىق تەپەرىش كورگەن نازىك جاندىلاردىڭ پانالايتىن بىردەن-ءبىر ورنى ول - زورلىق- زومبىلىق قۇرباندارىنا الەۋمەتتىك كومەك كورسەتۋدىڭ وبلىستىق ورتالىعى. بۇگىنگى تاڭدا بۇل مەكەمەدە 5 كەلىنشەك 15 بالامەن تۇرىپ جاتىر. بيىل جىل باسىنان بەرى 138 ادام كومەككە جۇگىنگەن. ولاردىڭ باسىم كوپشىلىگى بايزاق پەن قورداي اۋداندارىنان كەلگەن. جالپى مۇندا سوڭعى 5 جىلدا 600 گە جۋىق ادامعا قىزمەت كورسەتىلگەن. ونىڭ 391 ى - بالالار.

«بىزگە كەلگەن ايەلدەردىڭ 60 پروتسەنتى وتباسىنا قوسىلادى. قوسىلمايتىندارى دا بار. قوسىلمايتىندارىن وسى جەردە جۇمىسپەن قامتىپ، ەڭبەككە باۋليمىز. ايتپەسە ولاردى جۇمىسقا تۇرعىزامىز. وتباسىنا ورالماعاننان كەيىن وزدەرىنىڭ ءومىر ءسۇرىپ كەتۋى ءۇشىن كومەكتەسەمىز. ايەلدەر مۇندا ءوز- وزىنە كەلگەنشە 1 ايدان 6 ايعا دەيىن تۇرۋلارىنا بولادى. ولارعا پسيحولوگيالىق، قۇقىقتىق-الەۋمەتتىك جاردەم جاعىنان 8 ءتۇرلى قىزمەت كورسەتىلەدى»، - دەيدى اتالمىش ورتالىقتىڭ ديرەكتورى جامال قالىبەكوۆا.

اۆتور: عيبرات سەمباي


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات