+7 (701) 759 90 19
-1 °С : نۇر-سۇلتان
4 °С : الماتى
USD 384.63 EUR 427.98
RUB 6.08 CNY 54.68
جاڭالىقتار

الەمدەگى ەڭ كوپ بالالى 36 جاستاعى انا 44 بالا تۋعان - الەمدىك باسپا سوزگە شولۋ

21 قازان 07:48
:ءبولىسۋ
الەمدەگى ەڭ كوپ بالالى 36 جاستاعى انا 44 بالا تۋعان - الەمدىك باسپا سوزگە شولۋ

نۇر-سۇلتان. قازاقپارات - «قازاقپارات» ح ا ا ادەتتەگىدەي وقىرمان نازارىنا الەمدىك اقپارات كوزدەرىنە شولۋىن ۇسىنادى.

سيفرلىق تەحنولوگيا داۋىرىندە ناسيحات قالاي جۇرگىزىلەدى؟ - Vox


«قازىرگى زاماندا كەز كەلگەن مەكەمە حالىقتى وزدەرى قالاعان دەرەككە سەندىرە الادى. جاڭالىقتاردى تۇتىنۋ ساۋداعا اينالعان سيفرلىق تەحنولوگيا داۋىرىندە قوعامدىق پىكىردى باسقارۋ امالدارى وزگەردى. ءتىپتى، بۇعان New York Times نەمەسە Washington Post سەكىلدى باسىلىمدار دا بۇل پروبلەماعا ۇلەس قوسۋى مۇمكىن»، دەپ جازادى Vox.

اۆتور تسەل ۋنيۆەرسيتەتىنىڭ فيلوسوفى، «پروپاگاندا قالاي جۇمىس ىستەيدى» كىتابىنىڭ اۆتورى دجەيسون ستەنليدەن سۇحبات العان. فيلوسوفتىڭ ايتۋىنشا، ناسيحات جۇرگىزۋ قوعاممەن بايلانىس جانە ماركەتينگ سالالارىمەن تىعىز بايلانىستى.

«اقپاراتتىق كەڭىستىك كەڭەيگەن سايىن، شىنايىلىق تا ازايا باستايدى. ناسيحات پروبلەماسى بۇقارالىق اقپارات قۇرالدارىنىڭ قۇرىلىمىنان تۋىندايدى. سەبەبى ولار كوممەرتسيالىق ستيمۋلمەن جۇمىس ىستەگەندىكتەن، ولاردىڭ شىنايىلىعىنا سەنۋگە بولمايدى»، دەيدى سپيكەر.

ۇشاقتا ۇزاق ۇشۋ دەنساۋلىققا زيان - Quartz


ۇشاقتا ۇزاق ۇشقان جولاۋشىلار مەن ەكيپاج مۇشەلەرى دەنساۋلىققا زيان ساۋلەگە ۇشىرايدى، دەپ جازادى Quartz.

«ۇشاقتا ۇزاق ۇشقاندا، مىسالى، ا ق ش-تان جاپونياعا ۇشۋ قۋاتتى كۇن ساۋلەلەنۋىنىڭ جىلدىق نورماسىنان ءجۇز ەسە اسىپ تۇسەدى. بۇل دەنساۋلىققا وتە زيان»، دەپ جازادى اۆتورلار.

زەرتتەۋدى گەوفيزيك عالىمدار جۇرگىزگەن. ولاردىڭ ايتۋىنشا، ساۋلەلەندىرۋ دوزاسىنىڭ قۋاتى حالىقارالىق ستاندارتتار بويىنشا جىلىنا 1 ميلليزيۆەرتتەن اسپاۋى كەرەك. ال ون كيلومەتر بيىكتىكتە كۇن شىعىپ تۇرعاندا بۇل ساعاتىنا 2-4 ميكروزيۆەرتتى قۇرايدى.

«ياعني، ۇشاقتا 20 ساعات ۇشقاندار جىلدىق نورمادان ءجۇز ەسە كوپ ساۋلەلەنۋگە ۇشىرايى»، دەيدى عالىمدار.

الەمدەگى ەڭ ۇلكەن تۇرمە جابىلاتىن بولدى – ABC News


ا ق ش- تىڭ نيۋ-يورك شتاتى رايكەرس ارالىندا ورنالاسقان الەمدەگى ەڭ ۇلكەن تۇرمەنى جابۋ تۋرالى شەشىم قابىلدادى. بيلىك تۇزەتۋ كالونياسىنىڭ ورنىنا برۋكلين، كۋينس، برونكس پەن مانحەتتون ارالدارىندا شاعىن تۇرمەلەر اشپاق، دەپ جازادى ABC News.

باسىلىمنىڭ حابارلاۋىنشا، قالالىق كەڭەس رايكەرس تۇرمەسى قاتىگەزدىكتىڭ سيمۆولىنا اينالعانىن، جاپپاي قاماۋ ساياساتىنىڭ ءساتسىز بولعانىن، قالا ودان قۇتىلۋ ءۇشىن قاجەتتى شارالاردى قابىلداۋ كەرەكتىگىن ايتقان. سونىمەن قاتار بيلىك وكىلدەرى بۇل تۇرمەنىڭ جابىلۋى تۇتقىندار سانىن ازايىپ، قىلمىس دەڭگەيىنىڭ تومەندەۋىنە اسەر ەتەدى دەپ بولجاپ وتىر. مامانداردىڭ ايتۋىنشا، تۇتقىنداردى ارالدان كوشىرۋ جوسپارىنا 8 ميلليارد دوللار جۇمسالادى.

الەمدەگى ەڭ كوپ بالالى انانىڭ 44 بالاسى بار - Mirror




گەنەتيكالىق ەرەكشەلىگى بار ايەل 23 جىلدا 44 بالا تۋىپ، الەمدەگى ەڭ كوپ بالالى انا اتانىپ وتىر. وسى اپتادا دارىگەرلەر وعان وپەراتسيا جاساپ، ايەلدى بەدەۋ قىلدى، دەپ جازادىMirror.


«ۋگاندا تۇرعىنى 36 جاستاعى ماريام ناباتانزي 23 جىلدا 44 بالانى ءوزى بوسانعان. ونىڭ سيرەك كەزدەسەتىن گەنەتيكالىق ەرەكشەلىگى بار. ول العاشقى ەگىزدەرىن ول 13 جاستا بوسانعان. ال وزىنەن 28 جاس ۇلكەن كۇيەۋى وتباسىن تاستاپ كەتكەن»، دەپ جازادى باسىلىم. اۆتوردىڭ ايتۋىنشا، ايەل التى رەت ەگىز، ءتورت رەت ۇشەم، بەس رەت ءتورت بالانى دۇنيەگە اكەلگەن.

«23 جاستا ونىڭ 25 بالاسى بولعان. سول كەزدەن باستاپ ول دارىگەرلەرگە بالا تۋۋ قابىلەتىنەن ايىرىلعىسى كەلەتىنىن ايتىپ جىلاپ كەلگەن. ءبىراق وپەراتسيا جاساۋدىڭ ءساتى ەندى ءتۇسىپ، ايەل بەدەۋ بولدى»، دەپ جازادى اۆتور.

ۇلى بريتانيا پارلامەنتى Brexit-تى كەيىنگە قالدىردى - BBC


ۇلى بريتانيا پارلامەنتى Brexit ۋاقىتىن كەيىنگە شەگەرۋگە داۋىس بەردى، دەپ جازادى BBC .

باسىلىمنىڭ حابارلاۋىنشا، 322 دەپۋتات Brexit ۋاقىتىن كەيىگە شەگەرۋدى سۇراۋىن قولداپ داۋىس بەرسە، 306 دەپۋتات قارسى بولعان. دەگەنمەن، داۋىس بەرۋ ناتيجەسىنە قاراماستان پرەمەر- مينيستر بوريس دجونسون ەۋرووداقتان برەكسين ۋاقىتىن كەيىنگە شەگەرۋدى سۇرامايتىنىن مالىمدەدى.


«ۇلى بريتانيا ەۋرووداقتان 31 -قازان كۇنى قالايدا شىعادى»، دەدى بوريس دجونسون.

ايتا كەتۋ كەرەك، ەگەر ۇلى بريتانيا ەۋرووداقتان كەلىسىمسىز شىعاتىن بولسا، بۇل مەملەكەتكە ۇلكەن شىعىن كەلتىرەدى، سونىمەن قاتار ەكونوميكاسىنا تيگىزەتىن زاردابى زور.

اۆتور: ايكۇمىس بولاتبەك


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات