پرەزيدەنتتىك ادەبي سىيلىققا ەندى 35 جاسقا دەيىنگىلەر ءوتىنىش بەرە الادى
«وتىنىمدەردى قابىلداۋ اياقتالعان كەزدە 18 بەن 35 جاس ارالىعىنداعى قازاقستان رەسپۋبليكاسىنىڭ ازاماتتارى بولىپ تابىلاتىن، بۇرىن حالىقارالىق جانە ۇلتتىق بايقاۋلارعا قاتىسپاعان تۋىندىلارى بار، قازاقستاندىق ادەبيەتتى دامىتۋ ءۇشىن شىعارماشىلىق الەۋەتى بار جاس جازۋشىلار مەن اقىندار پرەزيدەنتتىك سىيلىققا ۇمىتكەر بولا الادى»، - دەپ جازىلعان جاڭا رەداكتسيادا.
ايتا كەتەيىك، بۇرىن بۇل سىيلىق 29 جاستان اسپاعان ازاماتتارعا بەرىلەتىن.
ءوتىنىش جولداۋ ءۇشىن جاس جازۋشىلار مەن اقىندار 30- ماۋسىمعا دەيىن ۋاكىلەتتى ورگانعا قاعاز جانە ەلەكتروندىق تۇردە مىنا قۇجاتتاردى ۇسىنۋى ءتيىس:
- پرەزيدەنتتىك سىيلىق الۋعا ءوتىنىم؛
- ۇمىتكەردىڭ جەكە كۋالىگىنىڭ كوشىرمەسى؛
- قازاقستان جازۋشىلار وداعىنىڭ پرەزيدەنتتىك سىيلىققا ۇمىتكەرگە شىعارماشىلىق مىنەزدەمەسى؛
- پرەزيدەنتتىك سىيلىققا ۇمىتكەر جاريالاعان نە ۇمىتكەر تۋرالى ماقالالاردىڭ، جاريالانىمداردىڭ كوشىرمەسى؛
- ەكىنشى دەڭگەيدەگى بانكتە بانك شوتىنىڭ بار ەكەنىن راستايتىن انىقتامانىڭ كوشىرمەسى؛
- ۇمىتكەردىڭ جەتىستىكتەرىن ايعاقتايتىن وزگە دە ماتەريالدار.
قۇجات 29- ناۋرىزعا دەيىن كوپشىلىك تالقىلاۋدا بولادى.
قوسا كەتسەك، ەندى «دارىن» جاستار سىيلىعىنا دا 35 جاسقا دەيىنگى ازاماتتار ءوتىنىش بەرە الادى.
ەسكە سالايىق، بىلتىر 8 -جەلتوقساندا سەنات 35 جاسقا دەيىنگىلەردى «جاستار» ساناتىنا ەنگىزۋ تۋرالى زاڭ جوباسىن ماقۇلداعان ەدى.
اۆتور
ءاليحان اسقار