دجوردجيا شتاتىندا پوليتسيامەن قاقتىعىس كەزىندە 35 ادام ۇستالدى
نارازىلىققا شىققاندار قۇقىق قورعاۋ ورگاندارىمەن قاقتىعىسقان، دەپ حابارلايدى قازاقپارات NBC News-كە سىلتەمە جاساپ.
پوليتسيانىڭ مالىمەتىنشە، تارتىپسىزدىك جەكسەنبى كەشكىسىن اتلانتانىڭ وڭتۇستىگىندە دە- كالب وكرۋگىندە «South River» مۋزىكالىق فەستيۆالىنەن كەيىن باستالعان. ۇگىتتەۋشىلەر توبى قۇرىلىس تەحنيكاسى مەن پوليتسيا قىزمەتكەرلەرىنە ۇيلەسكەن تۇردە شابۋىل ۇيىمداستىرعان.
بۇلىكشىلەر پوليسەيلەرگە تاس، كىرپىش، «مولوتوۆ كوكتەيلىن» جانە پەتاردا لاقتىرعان. مامانداندىرىلعان پوليتسيا مەكەمەسىنىڭ قۇرىلىس الاڭىندا بىرنەشە ءورت شىققان.
نارازىلىق بىلدىرۋشىلەر ۇزاق ۋاقىت بويى «پوليتسيا قالاسىن توقتاتىڭدار» ۇرانىمەن قوعامدىق قاۋىپسىزدىك وقۋ ورتالىعىنىڭ قۇرىلىسىنا قارسى شىعىپ كەلەدى.
قۇقىق قورعاۋ ورگاندارى قىزمەتكەرلەرىن دايىندايتىن ەلدەگى ءىرى ورتالىقتىڭ ىسكە قوسىلۋىنا قارسى شىعۋ سەبەبى - پوليتسيانىڭ وق قارۋدى پايدالانۋ كەزىندە ادام ولىمىنە اكەلۋى.
بۇل امەريكا قوعامىنداعى وزەكتى تاقىرىپتىڭ ءبىرى بولىپ وتىر.