ۋكراينادا جۇمىسسىزدىق دەڭگەيى 35 پروتسەنتكە جەتتى
10 تامىز 10:32

ۋكراينادا جۇمىسسىزدىق دەڭگەيى 35 پروتسەنتكە جەتتى

نۇر-سۇلتان.قازاقپارات - ۋكرايناداعى سوعىستىڭ بەسىنشى ايىندا ەلدەگى جاپپاي جۇمىسسىزدىق 35 پروتسەنتكە ءوسىپ، جۇمىسپەن قامتۋ دەڭگەيى 56 پروتسەنتتەن قىرىققا دەيىن تومەندەدى.

2021 -جىلى ەلدەگى جۇمىسسىزدار سانى 1,5 ميلليون ادامدى قۇراسا، قارۋلى قاقتىعىس سالدارىنان بۇگىندە 5 ملنعا جۋىق ادام تۇراقتى جۇمىس ورنىنان ايىرىلعان. الەۋمەتتىك ساۋالناما كورسەتكەندەي، ۋكراينا تۇرعىندارىنىڭ تەڭ جارتىسى سوعىسقا دەيىنگى تابىسىنىڭ 50 پروتسەنتىنەن قاعىلعان.

ولگا مۋدرىك، كاسىپكەر:

- كوپتەگەن بيزنەس قارجى جانە مامان تاپشىلىعى سالدارىنان جۇمىسىن توقتاتۋعا ءماجبۇر بولدى. شەتەلگە قاشقان تۇرعىندار ۋكرايناعا كەلىپ، ءارى قاراي جۇمىسىن جالعاستىرۋعا ءبىر جاعىنان اسىعار ەمەس. كيەۆتىڭ وزىندە قايتا- قايتا دابىل قاعىلادى، سوندىقتان مۇنداي قورقىنىشتى ەڭسەرۋگە دە باتىلدىق كەرەك.

وتىز پروتسەنتكە جەتكەن ينفلياتسيا، كۇرت قىسقارتىلعان الەۋمەتتىك تولەمدەر، جاپپاي جۇمىسسىزدىق پەن ديەۆالۆاتسيا كيەۆتە كوممۋنالدىق تولەم بويىنشا بەرەشەك كولەمىن ارتتىردى. ءتىپتى قاراجاتى بار تۇرعىنداردىڭ ءوزى ەرتەڭگى كۇنگە كۇمانمەن قارايدى، سوندىقتان دەر كەزىندە تولەمدەردى تولەۋگە اسىعار ەمەس، - دەپ شاعىمدانادى قوعام بەلسەندىسى - الەكساندر پوليشۋك.

الەكساندر پوليشۋك، قوعام بەلسەندىسى:

- مەن كوممۋنالدىق تولەم بويىنشا بەرەشەكتى جيناۋمەن اينالىسامىن. ءبىر بايقاعانىم، قاراجاتى بار دەگەن ازاماتتاردىڭ ءوزى تولەم جاساۋعا اسىعار ەمەس، ءبىرىن بەلگىسىزدىك الاڭداتادى ءبىرى سوعىس كەزىندە تولەمەي- اق قويساق دەپ ويلايدى. الايدا قىسقا دايىندالۋعا قاراجات تاپشى، سوندىقتان تۇرعىندارعا ءتۇسىندىرۋ جۇمىسىن جۇرگىزىپ كەلەمىن.

وسىلايشا، قالا تۇرعىندارىنىڭ جىلۋ جانە ىستىق سۋ قىزمەتتەرى بويىنشا قارىزى بىلتىرمەن سالىستىرعاندا 32 پروتسەنتكە ءوسىپ، 5,5 ميلليارد گريۆەنگە، ياعني 150 ميلليون دوللارعا جەتكەن. دەمەك بۇگىندە كيەۆ تۇرعىندارىنىڭ تورتتەن ءۇش بولىگى عانا كوممۋنالدىق تولەمدەردى تولەيدى. مەملەكەتتىك «كيەۆ جىلۋ ەنەرگياسى» تۇرعىنداردان شاماسى كەلمەسە شارتتى قايتا جاساسىپ، قارىزىن جابۋعا شاقىرىپ وتىر، ويتپەگەن كۇندە الداعى قىستا بەرەشەگى بار تۇرعىن ۇيلەرگە جىلۋ بەرۋ توقتاتىلماق.

www.24.kz

جاڭالىقتار