شىمكەنت پروكۋراتۋراسى 35 كۇدىكتى ءىسىن سوتقا بەردى - قاڭتار وقيعاسى
بۇل تۋرالى ق ر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆ ايتتى، دەپ حابارلايدى قازاقپارات ءتىلشىسى.
«قىزىلوردا وبلىسىندا اسكەري قايساروۆ قازا بولعان تەرروريزم فاكتىسى بويىنشا سوت پروتسەسى جالعاسۋدا. شىمكەنت قالاسىنىڭ پروكۋراتۋراسىمەن 35 كۇدىكتى سوتقا بەرىلدى. ولار قاڭتاردىڭ 4 نەن 5 نە قاراعان ءتۇنى ورتالىق الاڭدا پوليتسيانىڭ قىزمەتتىك اۆتوكولىكتەرىن قيراتتى، مەتالل ارماتۋرامەن قارۋلانىپ، قۇقىق قورعاۋ قىزمەتكەرلەرىنە قاتىستى زورلىق- زومبىلىق جاسادى، سودان كەيىن اكىمدىك عيماراتىنا شابۋىل جاساۋعا بەلسەندى تۇردە قاتىستى»، - دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.
ونىڭ اتاپ وتۋىنشە، سوت ۇكىمىمەن اتالعان ادامدارعا ءتۇرلى جازالاۋ شارالارى تاعايىندالدى.
«وسى ارەكەتتەردىڭ ماقساتى حالىق اراسىندا ۇرەي مەن قورقىنىشتى تۋعىزۋ، جاعدايدى تۇراقتاندىرۋ بويىنشا مەملەكەتتىك ورگانداردىڭ جۇمىسىنا كەدەرگى جاساۋ بولعان»، - دەدى باس پروكۋراتۋرا وكىلى.