ءبىر تاۋلىك ىشىندە ەلوردادان 35 مىڭ تەكشە مەترگە جۋىق قار شىعارىلدى
قالالىق كوممۋنالدىق قىزمەتتەر كوشەلەردى، الاڭدار مەن تروتۋارلاردى تازالاي وتىرىپ، تاۋلىك بويى كۇشەيتىلگەن رەجيمدە جۇمىس ىستەيدى، دەپ حابارلايدى نۇر-سۇلتان اكىمدىگىنىڭ رەسمي سايتى.
بۇگىن، 26 - قاراشادا ەلوردادا قار جيناۋ جۇمىستارىنا 1800 دەن استام جول جۇمىسشىسى شىقتى. قاردى تازالاۋ مەن شىعارۋعا 2 مىڭنان استام ارنايى تەحنيكا جۇمىلدىرىلدى. ءبىر تاۋلىك ىشىندە قالادان قار پوليگوندارىنا 35 مىڭ تەكشە مەترگە جۋىق قار شىعارىلدى.
ايتا كەتۋ كەرەك، قىسقى كەزەڭنىڭ باسىنان باستاپ قالانىڭ كوممۋنالدىق قىزمەتتەرى كەشكى جانە تۇنگى ۋاقىتتا قارقىندى تۇردە، سونداي-اق قار جيناۋ باعىتتارىن تۇزەتۋمەن ەكى اۋىسىمدا كۇشەيتىلگەن رەجيمدە جۇمىس ىستەۋدى جالعاستىرۋدا.
ءبىرىنشى كەزەكتە، ەرەجە بويىنشا، جولداردا كەپتەلىس بولماۋى ءۇشىن قوزعالىسى وتە قارقىندى ۋچاسكەلەر تازارتىلادى. ودان ءارى ورتاشا قارقىندى ۋچاسكەلەر - الاڭدار، ۆوكزال ماڭىنداعى اۋماقتار، تروتۋارلار جانە ت. ب. قاردان تازارتىلادى.
