نۇر-سۇلتاندا 35 شاقىرىم نوسەر كارىزى جۇيەسى تازالاندى

None
None
نۇر-سۇلتان. قازاقپارات - ەلوردادا 35 شاقىرىم نوسەر كارىزى جۇيەسى تازالاندى، دەپ حابارلايدى قازاقپارات قالا اكىمدىگىنە سىلتەمە جاساپ.

سۋ تاسقىنىنا قارسى شارالار اياسىندا «elorda Eco System» كاسىپورىنى ەلورداداعى نوسەر كارىزى مەن ارىق جەلىسى بويىنشا قىزمەت كورسەتۋ جۇمىسى جالعاسۋدا. وعان 40 تان استام ارنايى تەحنيكا مەن 75 جۇمىسشى جۇمىلدىرىلدى. 175 مىڭ تەكشە مەتردەن استام سۋ سورىلدى.

نوسەر جەلىسىنىڭ جالپى ۇزىندىعى - 509 كيلومەتر، ونىڭ ىشىندە 2020-جىلى 341,8 كيلومەتر اۋداندار اكىمدىگىنە قاراستى كاسىپورىن مەنشىگىنە بەرىلدى. ەسەپتى كەزەڭنىڭ باسىنان بەرى 35 مىڭ مەتردەن استام كوللەكتور تازارتىلدى. 4 مىڭعا جۋىق باقىلاۋ جانە جاڭبىر قابىلداعىش قۇدىقتار تازارتىلدى. قالا بويىنشا بارلىعى 51407 مەتر ارىق ناۋا جەلىلەرى، ونىڭ ىشىندە بۇگىنگى كۇنى 32 مىڭ مەتردەن استامى تازارتىلدى.

ارىقتار مەن قۇدىقتاردان 2500 تونناعا جۋىق تۇنبا مەن تۇرمىستىق قاتتى قالدىق ەكوپوليگونعا شىعارىلدى. بارايەۆ كوشەسىندەگى 16№ ءۇي اۋدانىنداعى اۆتوبۋس جولاعىنىڭ سۋ باسۋىن بولدىرماۋ ءۇشىن، وسى ۋچاسكەدەگى ماگيسترالدىق كوللەكتورعا ويىپ سالىنعان قوسىمشا جاڭبىر قابىلداعىش قۇدىقتار ورناتىلدى.

اتاپ ايتساق، ج. تاشەنوۆ كوشەسى (تۇيىقتى قۇدىقتان ويىپ سالۋ)؛ امان كوشەسى؛ يانۋشكيەۆيچ كوشەسى؛ ماڭگىلىك ەل داڭعىلى 29؛ سارىارقا اۋدانى اگروقالاشىق ت. م.؛ سۇمبە كوشەسى (4 قۇدىق ورناتىلدى)؛ مەدەۋ كوشەسى؛ سامال ايالداماسى «رامستور».

67 وراما قۇدىق پەن جاڭبىر قابىلداعىش تور انىقتالدى جانە قالپىنا كەلتىرىلدى. كاسىپورىن بارايەۆ كوشەسى مەن تاۋەلسىزدىك داڭعىلىنداعى كوللەكتوردى تازالاۋ بارىسىندا قۇرىلىس قوقىسى تاستالعانى انىقتالدى، ول ۋچاسكەگە توگىلگەن بەتون قاتىپ قالعان. بارلىعى 30 تەكشە مەتردەن استام بەتون بۇزىلىپ، شىعارىلدى.

كاسىپورىن ماماندارى اعىمداعى جانە كۇردەلى جوندەۋدى، سونداي-اق ىستەن شىققان جابدىقتى شتاتتىق رەجيمدە اۋىستىرۋدى كۇندەلىكتى جۇرگىزۋدە.

سوڭعى جاڭالىقتار