بيىل 35 بالا كوپقاباتتى تۇرعىن ءۇيدىڭ تەرەزەسىنەن قۇلاپ كەتكەن
«وتكەن جىلى 111 بالا تەرەزەدەن قۇلاپ كەتكەن بولاتىن. سودان كەيىن ءبىز قۇرىلىس كوميتەتىنە كىشكەنتاي بالالار قۇلاپ كەتپەس ءۇشىن پلاستيك تەرەزەلەرگە ارنايى قۇرىلعى ورناتۋ باستاماسىمەن شىقتىق. بيىل پايدالانۋعا بەرىلەتىن جاڭا ۇيلەردىڭ تەرەزەلەرى وسىنداي قۇرىلعىلارمەن جابدىقتالادى»، - دەدى ۆ. بەككەر.
ونىڭ دەرەگىنشە، وسى جىلدىڭ 5 ايىندا عانا كوپپاتەرلى تۇرعىن ۇيلەردىڭ تەرەزەسىنەن 1-8 جاس ارالىعىنداعى 35 بالا قۇلاپ كەتكەن. مۇنداي قايعىلى وقيعا نۇر- سۇلتاندا – 8، قاراعاندى وبلىسىندا – 7، جامبىل وبلىسىندا – 3، پاۆلودار، بقو، اقتوبە، ماڭعىستاۋ وبلىستارىندا 2 رەتتەن، شقو، اقتوبە، ماڭعىستاۋ وبلىستارىندا ءبىر رەتتەن ورىن العان. مامىر ايىنىڭ وزىندە 1 دەن 6 جاسقا دەيىنگى 21 بالا تەرەزەدەن قۇلاعان.
وسى ورايدا كوميتەت باسشىسى تەرەزەگە ارنالعان قۇرىلعىنىڭ قانداي بولاتىنىن ب ا ق وكىلدەرىنە كورسەتىپ، پاتەر تەرەزەسىنە ورناتىپ الۋعا كەڭەس بەردى.
«بۇل قۇرىلعى اسا قىمبات تا ەمەس. باعاسى وندىرۋشىسىنە بايلانىستى 1- 2 مىڭ تەڭگە ارالىعىندا. مەنىڭشە، نەگىزگى پروبلەما ءدال وسى قۇرىلعىلاردىڭ تەرەزەدە جوقتىعىندا ەمەس، ۇلكەندەردىڭ نەمەسە اتا- انالاردىڭ بالالاردى قاراۋسىز قالدىرۋىندا بولىپ تۇر»، - دەدى ۆلاديمير بەككەر.