اقتوبەدە بيزنەستى قولداۋعا 35 ميلليارد تەڭگە جۇمسالادى
بارلىعى 2 مىڭ بيزنەس سۋبەكتىسىنە قولداۋ كورسەتۋ جوسپارلانۋدا، دەپ حابارلايدى قازاقپارات ءتىلشىسى.
2019 -جىلدىڭ قورىتىندىسى بويىنشا وبلىستا بەلسەندى جۇمىس ىستەپ تۇرعان شاعىن جانە ورتا بيزنەس سۋبەكتىلەرىنىڭ سانى %8,6 ارتتى. قازىر 60 مىڭعا جەتىپ وتىر. «بيزنەستىڭ جول كارتاسى-2025»، «قاراپايىم زاتتار ەكونوميكاسى»، «ەڭبەك» شاعىن نەسيەلەۋ، ە ق ق د ب قارجىلىق ەمەس قولداۋ باعدارلامالارى اياسىندا بيىل 35 ميلليارد تەڭگە قاراستىرىلىپ، وسى قارجى اياسىندا كەمىندە 2 مىڭ بيزنەس سۋبەكتىسىن قولداۋ جوسپارلانۋدا.
«قىزمەت كورسەتۋ، تاماق ونەركاسىبى سالاسى جاقسى دامىپ كەلەدى. ماسەلەن، مەملەكەتتىك باعدارلامالار اياسىندا بالالار مەن ەرەسەكتەرگە ارنالعان زاماناۋي ستوماتولوگيا كابينەتى اشىلدى. 2016 -جىلى نەسيە الىپ، «بيزنەستىڭ جول كارتاسى-2025» مەملەكەتتىك باعدارلاماسى اياسىندا نەسيە پايىزىن تومەندەتۋگە جانە كەپىلدىك الۋعا مۇمكىندىك بەرىلدى. ال فيتنەس ورتالىعى كارديوزالعا ارنالعان جابدىقتاردى ساتىپ الۋ جانە قۇرىلىس- مونتاجداۋ جۇمىستارىن وتكىزۋ ماقساتىندا 2013 -جىلى مەملەكەتتىك باعدارلاما بويىنشا جەڭىلدەتىلگەن نەسيە جەلىسىن راسىمدەدى. 2019 -جىلى كومپانيا ءوز قىزمەتىن كەڭەيتتى. «ەڭبەك» باعدارلاماسى بويىنشا جىلدىق ۇستەمەاقىسى %6 نەسيە بەرىلدى»، - دەدى اقتوبە وبلىسىنىڭ كاسىپكەرلىك باسقارما باسشىسى قايرات رايىمقۇلوۆ.
باسپا ءسوز تۋرى كەزىندە ءدامحانا، ناۋبايحانا جۇمىسى تانىستىرىلدى.
«كولىكتىڭ قوسالقى بولشەكتەرىنە، دوڭعالاقتارىنا ارنالعان دۇكەن دە مەملەكەتتىك باعدارلامالاردىڭ يگىلىگىن كورىپ وتىر. 2017 -جىلى ناۋبايحانا يەسى «ب ج ك - 2025» باعدارلاماسى اياسىندا عيمارات ساتىپ الىپ، قۇرىلىس- مونتاج جۇمىستارىن جۇرگىزدى.
ە ق ق د ب قولداۋىمەن كاسىپكەرلەر بيزنەستى جۇيەلى باسقارۋدى ەنگىزدى، ماقساتتى اۋديتوريانى انىقتادى، جاڭا برەند جاسادى، ماركەتينگتىك تالداۋ جۇرگىزدى، بيزنەس- پروتسەستەردى اۆتوماتتاندىردى، - دەپ اتاپ ءوتتى ەۋروپالىق قايتا قۇرۋ جانە دامۋ بانكىنىڭ وكىلى ايبەك ورازبايەۆ.