ا ق ش تۇركيانى پ-35 باعدارلاماسىنان شىعارىپ تاستاماق
اق ءۇي 17- شىلدە كۇنى جاريالاعان مالىمدەمەدە انكارانىڭ رەسەيلىك اۋە قورعانىسى قارۋىن ساتىپ العان سوڭ «F-35 باعدارلاماسىنا ارى قاراي قاتىسا بەرۋى مۇمكىن بولماي قالاتىنى» جازىلعان.
اق ءۇي تۇركيانىڭ F-35 باعدارلاماسىنان شىعارىلاتىنىن انىق ايتپاسا دا، پەنتاگون بۇل اقپاراتتى راستادى.
- ا ق ش پەن وزگە دە F-35 [باعدارلاماسىنا قاتىسۋشى] ارىپتەستەر تۇركيانىڭ بۇل باعدارلاماعا قاتىسۋىن توقتاتىپ، رەسمي تۇردە شىعارىپ تاستاۋ پروتسەدۋراسىن باستاۋ تۋرالى شەشىمگە توقتادى، - دەدى ا ق ش- تىڭ قورعانىس ۆيتسە- ءمينيسترى ەللەن لورد.
تۇركيا ا ق ش- تىڭ سانكسيا سالۋ تۋرالى ەسكەرتۋىنە قاراماستان 12 - شىلدە كۇنى س-400 كەشەنىنىڭ ءۇش بولىگىن، 13 - شىلدەدە ءتورتىنشىسىن رەسەيدەن قابىلداپ العان.
انكارا F-35 جويعىش ۇشاعىنىڭ كەيبىر بولشەكتەرىن جاساپ كەلگەن، ۆاشينگتون ەندى باسقا تاپسىرىس جەتكىزۋشى ىزدەمەك.
16 - شىلدە كۇنى پرەزيدەنت دونالد ترامپ س-400 ساتىپ العان تۇركياعا ەندىگارى F-35 ساتىلمايتىنىن ايتقان.
ا ق ش تۇركياعا ەكونوميكالىق سانكسيا سالۋ- سالماۋ تۋرالى شەشىمىن ءالى جاريالاعان جوق.
www.azattyq.org