20:10, 19 - ءساۋىر 2019 | GMT +6
بۇدان 35 جىل بۇرىن بولعان وقيعا قايتالاندى
نۇر-سۇلتان. قازاقپارات - اعىلشىندىقتاردىڭ مەرەيى ۇستەم بولىپ تۇر.
وسى فۋتبول ماۋسىمىندا بىردەن ءتورت اعىلشىن كلۋبى ەۋروكۋبوكتەردىڭ جارتىلاي فينالىندا وينايدى. چەمپيوندار ليگاسىنداعى «توتتەنحەم حوتسپۋر» جانە «ليۆەرپۋلدىڭ» سوڭىنان، ەۋروپا ليگاسىنداعى ۇزدىك تورتتىكتىڭ قاتارىنا «ارسەنال» مەن «چەلسي» شىقتى.
Opta Sport - تىڭ حابارلاۋىنشا، بۇنداي ناتيجە ەڭ سوڭعى رەت 1983/84 -جىلدار ماۋسىمىندا ورىن العان. ول كەزدە «ليۆەرپۋل» چەمپيوندار كۋبوگىنىڭ جارتىلاي فينالىنا، «مانچەستەر يۋنايتەد» كۋبوك يەگەرلەرىنىڭ كۋبوگىنىڭ جارتىلاي فينالىنا، ال «توتتەنحەم حوتسپۋر» مەن «نوتتينگەم فورەست» ۋەفا كۋبوگىنىڭ جارتىلاي فينالىنا شىققان بولاتىن. سول ماۋسىم قورىتىندىسى بويىنشا، «ليۆەرپۋل» مەن «توتتەنحەم» اتى اتالعان تۋرنيرلەردىڭ كۋبوك يەگەرلەرى اتانعان.