ديماش « ءداۋىردىڭ ۇلى انشىلەرى» ساۋالناماسىندا 35- ورىندا كەلە جاتىر
Ranker ءتۇزىپ وتىرعان رەيتينگ ۋاقىتتى تالعاماي الەمنىڭ ەڭ ۇزدىك ءانشىسىن تاڭداۋدى كوزدەپ وتىر. اتالمىش ينتەرنەت الاڭدا بۇل ساۋالناما جىل سايىن وتكىزىلەدى. ازىرگە رەيتينگتىڭ ۇزدىك بەستىگىن فرەددي مەركيۋري، مايكل دجەكسون، ۋيتني حيۋستون، ەلۆيس پرەسلي مەن فرەنك سيناترا باستاپ تۇر. ۋاقىتتى تالعاماي ۇزدىك ءانشىنى انىقتاماققا بەكىنگەندەر رەيتينگكە قازىرگى تانىمال انشىلەرمەن بىرگە ومىردەن ءوتىپ كەتكەن ورىنداۋشىلاردى دا ەنگىزگەن.
ۇزدىك انشىگە داۋىس بەرۋ ءۇشىن مىنا سىلتەمەگە ءوتىپ، ۇناسا جوعارى بەلگىنى، ۇناماسا تومەنگى بەلگىنى كورسەتۋگە بولادى.
«بۇل ءتىزىم الەمنىڭ ەڭ عاجايىپ مۋزىكانتتارىن قامتيدى. بۇكىل داۋىردەگى ەڭ ۇزدىك ءانشى رەتىندە كىمدى نۇسقار ەدىڭىز؟ ۇناعان انشىڭىزگە داۋىس بەرىڭىز» ، - دەلىنگەن ساۋالناما جازباسىندا.
ورتالىعى امەريكا قۇراما شتاتتارىنىڭ لوس- اندجەلەس قالاسىندا ورنالاسقان الەمنىڭ ءىرى سيفرلى مەديا- كومپانيالارىنىڭ ءبىرى «Ranker» ينتەرنەت- الاڭىنا جىل سايىن 49 ميلليونعا تارتا ادام كىرەدى. سايتتا وسىعان ۇقساس رەيتينگتەرمەن بىرگە، سپورت، ساۋدا ماركالارى مەن مادەنيەت سالاسىندا دا جىل سايىن ساۋالناما جۇرگىزەدى.