قازاقستاندا الداعى تاۋلىكتەردە 35 گرادۋس اياز بولادى

استانا. قازاقپارات - سينوپتيكتەر 20-22- جەلتوقسانعا ارنالعان اۋا رايى بولجامىن جاريالادى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

«سۋىق اركتيكالىق اۋا اعىندارىنا بايلانىستى الداعى تاۋلىكتەردە رەسپۋبليكانىڭ سولتۇستىك، ورتالىق جانە شىعىس وبلىستارىندا بۇرقاسىن بولىپ، قار جاۋادى جانە ەكپىندى جەل سوعادى. سكانديناۆيانىڭ سولتۇستىك ايماقتارىندا قالىپتاسقان انتيتسيكلونعا بايلانىستى جاۋىن-شاشىن توقتايدى جانە اۋا تەمپەراتۋراسى سۋىتادى. ال، قازاقستاننىڭ تاۋلى ايماقتارى وڭتۇستىك فرونتالدى جۇيەنىڭ ىقپالىندا بولادى. مۇندا وتكىنشى قار جاۋىپ، تۇمان تۇسەدى جانە كوكتايعاق بولۋى ىقتيمال. اۋا تەمپەراتۋراسى رەسپۋبليكانىڭ بۇكىل اۋماعىندا كليماتتىق نورمادان تومەن بولادى، ءبىراق سولتۇستىك، ورتالىق جانە شىعىس ايماقتاردا تۇندە تەمپەراتۋرا 30-35- گرادۋسقا دەيىن تومەندەيدى»، - دەلىنگەن سينوپتيكتەردىڭ حابارلاماسىندا.