ەگيپەتتە پارسى داۋىرىنە جاتاتىن 35 مۋميا تابىلدى
عالىمدار بۇل جاڭالىق مۋميانىڭ مىڭداعان جىل بويى وزگەرىسسىز ساقتالعانىن تۇسىندىرۋگە جول اشادى دەپ ەسەپتەيدى.
قازبا جۇمىستارى كەزىندە تاس تابىتقا سالىنىپ كومىلگەن 35 مۋميا تابىلدى. ماماندار بۇنى ەجەلگى ەگيپەت تاريحىنىڭ پارسى داۋىرىنە جاتقىزدى. ول ءبىزدىڭ زامانىمىزعا دەيىن 4 - عاسىرعا ساي كەلەدى. سول كەزدە ەسكەندىر زۇلقارنايىن ەلگە شابۋىل جاساپ، باسىپ العان بولاتىن.
رامادان بادري حۋسسەين، ارحەولوگيالىق ەكسپەديتسيا باسشىسى:
- ءبىز مايىتتەردى كومۋ جانە قاتىرۋ ادىستەرى تۋرالى كوپ بىلەمىز. ال بۇل جاڭالىق كوپتەگەن جاڭا اسپەكتىلەرگە جول اشادى. بىرىنشىدەن، مۋميا جاساۋ ءۇشىن قانداي ماي قولداندى؟ ونىڭ حيميالىق قۇرامى قانداي بولدى؟ ەكىنشىدەن، كەيبىر مايىتتەر جانىنان كوپتەگەن اسىل تاستار مەن اشەكەي بۇيىمدار تابىلدى. بۇل اقپارات سول زامانداعى ادامداردىڭ ەكونوميكالىق احۋالىنا قاتىستى جاقسى دەرەككوز بولادى.
www.24.kz