جىل باسىنان بەرى 350 مىڭ ادامعا اتاۋلى الەۋمەتتىك كومەك تاعايىندالدى

استانا. قازاقپارات - ەلىمىزدە اتاۋلى الەۋمەتتىك كومەك الاتىنداردىڭ سانى ارتقان. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ءمالىم ەتتى، دەپ حابارلايدى قازاقپارات ءتىلشىسى.

«الەۋمەتتىك تولەمدەر وتباسىنىڭ تابىسىنا قاراماستان تاعايىندالاتىنىن اتاپ وتكىم كەلدى. ودان بولەك، وتباسىنىڭ ءار مۇشەسىنە شاققانداعى تابىس كولەمى كەدەيلىك شەگىنەن تومەن بولعان جاعدايدا، مەملەكەت قوسىمشا اتاۋلى الەۋمەتتىك كومەك كورسەتەدى. وتكەن جىلى اتاۋلى الەۋمەتتىك تولەمدى 729 مىڭ ادام الدى. بيىل جىل باسىنان بەرى 350 مىڭ ادامعا تاعايىندالدى. بۇل وتكەن جىلعا قاراعاندا 8,7 مىڭعا ارتىق»، - دەدى تامارا دۇيسەنوۆا ۇكىمەت وتىرىسىندا.

سونىمەن قاتار ۆەدومستۆو باسشىسى «كۇمىس جاس» جوباسى تۋرالى اڭگىمە ءوربىتتى.

«اتالعان جوبا اياسىندا 3 مىڭنان استام ادام جۇمىسقا ورنالاستىرىلدى. ونىڭ 50 پايىزى ايەلدەر. قاتىسۋشىلار «كۇمىس جاس» جوباسىن ءساتتى دەپ سانايدى. بيىل جوباعا قاتىسۋ جاس مولشەرى 58 دەن 50 جاسقا دەيىن تومەندەدى. جوبا قاتىسۋشىلارى جۇمىس بەرۋشىلەردىڭ ۇسىنىسىن بىلىكتىلىگىنە قاراي تاڭداي الادى. جالاقىنى مەملەكەت 3 جىل ىشىندە سۋبسيديالايدى»، - دەيدى مينيستر.

بۇعان دەيىن تامارا دۇيسەنوۆا 258 مىڭنان استام جۇكتى جانە بوسانعان ايەلدەردىڭ الەۋمەتتىك تولەم الاتىنى تۋرالى ايتقان ەدى.