ەلوردادا قاڭتار ايىندا جاستارعا 350 پاتەر بەرىلەدى - التاي كولگىنوۆ
بيىل استانادا جۇمىس ىستەيتىن جاستارعا 1 مىڭنان استام پاتەر بولىنەدى.
بۇل تۋرالى ول بۇگىن ءوزىنىڭ Instagram پاراقشاسىنا جازدى.
«تۇرعىن ءۇي ماسەلەسى - ءبىزدىڭ جۇمىسىمىزداعى ماڭىزدى باعىتتاردىڭ ءبىرى. بيىل جۇمىس ىستەيتىن جاستارعا ارنالعان جالعا بەرىلەتىن تۇرعىن ءۇي باعدارلاماسىن جالعاستىرامىز. باعدارلاما ەلباسىنىڭ تاپسىرماسىنا سايكەس 2019-جىلى ىسكە قوسىلدى. قاڭتار ايىندا جاستارعا 350 پاتەر بەرۋدى جوسپارلاپ وتىرمىز. جىل سوڭىنا دەيىن تاعى 1050 پاتەر بەرىلەدى. وسى پاتەرلەردە تۇرىپ جاتقان ۋاقىتتا جاستار اياققا تۇرىپ، بەلگىلى ءبىر كاپيتال جيناپ، ءوز باسپانالارىن ساتىپ الا الادى. سونداي-اق، باسقا تۇرعىن ءۇي باعدارلامالارى مەن باعىتتارى بويىنشا جۇيەلى جۇمىستى جالعاستىرا بەرەمىز»، - دەپ جازدى اكىم.
سونداي-اق ول مەملەكەت باسشىسىنىڭ تاپسىرماسىنا سايكەس وتكەن جىلدان باستاپ قولجەتىمدى، جەڭىلدىكپەن بەرىلەتىن تۇرعىن ءۇي قۇرىلىسىنىڭ كولەمى ۇلعايعاندىعىن ايتى.