جىل باسىنان بەرى 350 ادام ورتتەن قازا تاپتى

 استانا. قازاقپارات - بۇل تۋرالى ق ر ءى ءى م توتەنشە جاعداي كوميتەتى ءورت قاۋىپسىزدىگى سالاسىنداعى باقىلاۋ جانە پروفيلاكتيكالىق قىزمەت باسقارماسىنىڭ باسشىسى جاسۇلان اقتايەۆ مالىمدەدى.

«جىل باسىنان بەرى قازاقستان اۋماعىندا  12733 ءورت بولدى. بۇل 2017 -جىلدىڭ وسىنداي كەزەڭىندەگى كورسەتكىشتەن 5 پايىزعا تومەن. ورتتەن 350 ادام قازا تاۋىپ، 341 ادام جاراقات الدى. جىل سايىنعى ستاتيستيكادان قىس ماۋسىمىندا ءورت سانى مەن ورتتەن قازا تاباتىندار سانى كوبەيتىنىن بايقاۋعا بولادى. بۇل - وتىننىڭ ءار تۇرىندە جىلىتۋ قۇرالدارىن قولدانۋعا، ەلەكتر جەلىلەرى مەن تاعى باسقا جۇكتەمەنىڭ جوعارىلاۋىنا بايلانىستى» ، - دەدى اقتايەۆ.

ول ءورت قاۋپى جاڭا جىلدىق مەرەكە كۇندەرى شيەلەنىسە تۇسەتىنىن اتاپ ءوتتى.

« ءىرى ساۋدا ورىندارى مەن ويىن- ساۋىق ورتالىقتارىندا ءورت بولۋ قاۋپىن الدىن العىمىز كەلەدى. مەرەكە كۇندەرى ساۋدا وبەكتىلەرىنە كەلۋشىلەر سانى كوبەيەتىنىن اتاپ وتكەن ءجون جانە بالالاردىڭ قاتىسۋىمەن ويىن- ساۋىق ءىس- شارالارى كوپتەپ ۇيىمداستىرىلادى. مەرەكەلىك بەزەندىرۋگە جانعىش ماتەريالدار، ەلەكتر گيرلياندالارى مەن يلليۋميناتسيالار قولدانىلادى. مەرەكەلىك شىرشالار ورناتىلىپ، ولاردىڭ جانۋ قارقىندىلىعى بارلىق رۇقسات ەتىلگەن ماندەردەن اسادى. كاسىپكەرلەر ماۋسىمدىق پايدا تابۋ ءۇشىن ساۋدا قويمالارىن ءارتۇرلى تاۋارلارمەن تولتىرادى. بۇل ءورت قاۋىپسىزدىگىن بۇزۋ بولىپ سانالادى جانە ءورتتىڭ شىعۋ قاۋپىن جوعارىلاتادى» ، - دەپ اتاپ ءوتتى ول.

ونىڭ ايتۋىنشا، كەشەگى اپتادا ەلدەگى ساۋدا نىساندارىندا 6 ءورت بولعان. الماتى قالاسى، الماتى وبلىسى، جامبىل وبلىسى، شقو بازارلارى ورتەنگەن. اقتايەۆ قوعامنىڭ رەزونانسىن تۋدىرعان 25 - قاراشادا تاراز قالاسىندا بولعان ءورتتىڭ «اۋىل- بەرەكە» بازارىنا ەشقانداي قاتىسى جوق ەكەنىن ايتا كەتتى.

نازەركە ابيبۋللا

Baq.kz