الداعى ءۇش كۇندە بوران سوعىپ، 34 گرادۋسقا دەيىن اياز ساقتالادى

استانا. قازاقپارات - قازگيدرومەت سينوپتيكتەرى الداعى ءۇش كۇنگە ارنالعان اۋا رايى بولجامىن ۇسىندى، دەپ حابارلايدى قازاقپارات.

قازاقستاننىڭ باسىم بولىگىندە اتموسفەرالىق فرونتتار ءجۇرىپ وتەدى، سالدارىنان اۋا رايىنىڭ تۇراقسىز سيپاتى ساقتالادى، قار جاۋادى.

تەك ەلدىڭ باتىسىندا عانا اۋا رايى نەگىزىنەن جاۋىن-شاشىنسىز بولادى.

رەسپۋبليكانىڭ سولتۇستىك-باتىسىندا، سولتۇستىگىندە، شىعىسىندا جانە ورتالىعىندا بۇرقاسىن سوعىپ، جەل كۇشەيەدى، وڭتۇستىك جانە وڭتۇستىك-شىعىسىندا تۇمان بولادى.

تۇندە باتىستا اۋا تەمپەراتۋراسى 10-22 اياز، وڭتۇستىك-باتىستا 3-15- اياز، سولتۇستىك-باتىس جانە سولتۇستىكتە 20-30- اياز، ورتالىقتا 13-، 22- دەن 20-30- گرادۋس ايازعا دەيىن تومەندەيدى.

ەلىمىزدىڭ شىعىسىندا 25-34- اياز، رەسپۋبليكانىڭ وڭتۇستىگىندە، وڭتۇستىك-شىعىسىندا 5-15، تاۋلى اۋدانداردا 15-20 گرادۋس اياز بولادى.