سولتۇستىك قازاقستاندا 34 جاستاعى ايەلگە سوڭعى قوڭىراۋ سوعىلدى - فوتو
34 جاستاعى ناتاليا س ق و بويىنشا قىلمىستىق- اتقارۋ جۇيەسى دەپارتامەنتىنىڭ ەس-164/6 مەكەمەسىندە جازاسىن وتەپ جاتىر. بۇگىن ول كولونياداعى ورتا ءبىلىمى جوق باسقا سوتتالعاندارمەن بىرگە «سىرتتاي كەڭەس بەرۋ پۋنكتىن»، ياعني مەكتەپتى ءتامامدادى.
وسىعان وراي تۇزەتۋ مەكەمەسىندە كىشىگىرىم سوڭعى قوڭىراۋ مەرەكەسى ءوتتى.
«مۇندا تۇسپەس بۇرىن 8 سىنىپتىق ءبىلىمىم بولدى. مەكەمەدە مەكتەپتى ءبىتىرىپ، اتتەستات الۋعا مۇمكىندىك بەردى. ەندى كوللەدجگە ءتۇسۋدى جوسپارلاپ وتىرمىن، شاشتاراز- ۆيزاجيست ماماندىعىن مەڭگەرگىم كەلەدى. بوستاندىقتا مەنى انام، كۇيەۋىم، ۇلىم، 84 جاستاعى اجەم اسىعا كۇتىپ وتىر. بۇگىن ءبىز ءۇشىن قوڭىراۋ سىڭعىرلادى، ءتىپتى مەكتەپ ءبىتىرۋشى تۇلەكتىڭ لەنتاسىن دا تاقتىق، ءبارى ءوزىم كۇتكەندەي. الدا ماماندىق الىپ، جۇمىس ىستەگىم كەلەدى. جالپى جوسپارىم وتە كوپ، ومىرىمدە ءبارى جاقسى بولادى»، - دەيدى ناتاليا.
جالپى بيىل س ق و- نىڭ تۇزەتۋ مەكەمەلەرىندەگى مەكتەپتەردى 17 سوتتالعان اياقتادى.
«بيىلعى وقۋ جىلىندا ورتا ءبىلىمى جوق سوتتالعان بارلىق ازاماتتى وقىتۋمەن قامتىدىق. بارلىعى 77 جازاسىن وتەۋشى وبلىس مەكەمەلەرىندەگى مەكتەپتە وقىدى. مەكەمەگە تۇسكەن سوتتالعاندار، ەگەر ولاردا ورتا ءبىلىمى بولماسا، 35 جاسقا دەيىن مەكتەپتى بىتىرۋگە مىندەتتى، 35 جاستان كەيىن سوتتالعاننىڭ قالاۋى بويىنشا مەكتەپتى ءتامامداۋىنا بولادى. وقۋ باعدارلاماسىندا ەش ايىرماشىلىق جوق، مەملەكەتتىك ەمتيحانداردى تاپسىرعاننان كەيىن ولارعا اتتەستات بەرىلەدى. مەكەمە بازاسىندا 11-سىنىپتان كەيىن سوتتالعاندار «پەتروپاۆل كاسىپتىك كوللەدجىندە» تىگىنشى، قاپتاۋشى، پليتا سالۋشى جانە تاعى دا باسقا سۇرانىسقا يە ماماندىقتار بويىنشا ورتا-ارنايى ءبىلىم الا الادى. 9 جانە 11-سىنىپتاردىڭ اتتەستاتىن ماۋسىم ايىنىڭ سوڭىنا قاراي بەرەمىز»، - دەدى س ق و بويىنشا ق ا ج د ە س-164/6 مەكەمەسىنىڭ باستىعى قانات سۇلەيمەنوۆ.
بىلتىر وبلىستىڭ تۇزەتۋ مەكەمەلەرىندە 46 سوتتالعان، 2022 -جىلى 77 سوتتالعان ءبىلىم الدى. ەكى جىل قاتارىنان 17 سوتتالعان مەكتەپتى ءتامامدادى. جالپى بۇگىندە س ق و مەكەمەلەرىندە 1,5 مىڭنان استام سوتتالعان جازاسىن وتەپ جاتىر.
اۆتور: اقەركە داۋرەنبەك قىزى