USD 425.02 EUR 450.1
RUB 7.17 CNY 63.75
جاڭالىقتار

قازاقستاندىق 34 ۋنيۆەرسيتەت الەمنىڭ ۇزدىك وقۋ ورىندارىنىڭ رەيتينگىنە ەندى

30 جەلتوقسان 14:26
:ءبولىسۋ
قازاقستاندىق 34 ۋنيۆەرسيتەت الەمنىڭ ۇزدىك وقۋ ورىندارىنىڭ رەيتينگىنە ەندى

نۇر-سۇلتان. قازاقپارات - قازاقستاننىڭ بىردەن 34 ۋنيۆەرسيتەتى بريتاندىق QS EECA 2022 اگەنتتىگىنىڭ نۇسقاسى بويىنشا ۇزدىك جوعارى وقۋ ورىندارىنىڭ تىزىمىنە ەندى، دەپ حابارلايدى قازاقپارات.

قازاقستان ۋنيۆەرسيتەتتەرىندە وقيتىن شەتەلدىك ستۋدەنتتەردىڭ سانى 30 مىڭعا جەتتى رەيتينگ ەۋروپا مەن ورتا ازيا ەلدەرىنىڭ ۇزدىك جوعارى وقۋ ورىندارى تۋرالى اقپاراتتى قامتيدى. توپ-100 قۇرامىنا 7 وتاندىق ۋنيۆەرسيتەت كىردى. كوشباسشى ءال-فارابي اتىنداعى قازاق ۇلتتىق ۋنيۆەرسيتەتى بولدى. وتكەن جىلمەن سالىستىرعاندا ۋنيۆەرسيتەت 3 پوزيتسياعا جوعارىلاپ، رەيتينگتە ىستانبۇل تەحنيكالىق ۋنيۆەرسيتەتى (تۇركيا)، ۆيلنيۋس ۋنيۆەرسيتەتى (ليتۆا) جانە باسقا دا شەتەلدىك ۋنيۆەرسيتەتتەردى باسىپ وزىپ، 16-ورىنعا يە بولدى. قاز ۇ ۋ- دان كەيىن رەيتينگتە ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى كوش باستاپ تۇر. ول حالىقارالىق رەيتينگتتە 42-ورنىنعا جايعاستى. قازاقستاندىق جوعارى وقۋ ورىندارى اراسىندا Satbayev University ءۇشىنشى ورىندا تۇر. وڭىرلىك جوعارى وقۋ ورىندارى اراسىندا توپ-100 قاتارىنا م. اۋەزوۆ اتىنداعى وڭتۇستىك قازاقستان ۋنيۆەرسيتەتى ەندى.

«QS Emerging Europe and Central Asia University Rankings رەيتينگىنە كىرەتىن قازاقستاندىق جوعارى وقۋ ورىندارىنىڭ سانى جىل سايىن ارتىپ كەلەدى. بۇل جوعارى ءبىلىمنىڭ الەمدىك ارەنادا تانىلۋىن بىلدىرەدى. ەگەر وتكەن جىلى رەيتينگكە 27 قازاقستاندىق ۋنيۆەرسيتەت كىرسە، بيىل 34 جوعارى وقۋ ورىنى ەندى. وتاندىق ۋنيۆەرسيتەتتەر رەسەي، چەحيا، پولشا، ەستونيا، ليتۆا، تۇركيا، گرۋزيا، ءازىربايجان جانە باسقا ەلدەردىڭ جەتەكشى ۋنيۆەرسيتەتتەرىمەن باسەكەگە تۇسۋدە. بۇل ءبىزدىڭ جوعارى وقۋ ورىندارىنىڭ ءبىلىم بەرۋ ساپاسىن ارتتىرۋ بويىنشا ۇلكەن جۇمىس جۇرگىزىلگەنىن كورسەتەدى. سونداي - اق الەمدىك رەيتينگتەگى قازاقستاندىق ۋنيۆەرسيتەتتەردىڭ سانىنىڭ ارتۋى ءبىزدىڭ جوعارى وقۋ ورىندارىمىزدىڭ زامان تالاپتارىنا جانە الەمدىك ستاندارتتارعا ساي ءبىلىم بەرەتىندىگىن كورسەتەدى»، - دەپ اتاپ ءوتتى ق ر ب ع م جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆ.

ايتا كەتەيىك، QS EECA رەيتينگىن جاساۋ كەزىندە ون نەگىزگى كورسەتكىش ەسكەرىلەدى. ولاردىڭ ىشىندە ۋنيۆەرسيتەتتەردىڭ جۇمىس بەرۋشىلەر اراسىنداعى جانە اكادەميالىق بەدەلى، وقىتۋشىلار مەن ستۋدەنتتەر سانىنىڭ اراقاتىناسى، ءبىر وقىتۋشى مەن قىزمەتكەرگە شاققانداعى جاريالانىمدار سانى، جوعارى وقۋ ورىندارىنىڭ عالىمدارىنان دايەكسوز الۋ سانى، شەتەلدىك ستۋدەنتتەردىڭ، وقىتۋشىلار مەن قىزمەتكەرلەردىڭ ۇلەسى جانە تاعى باسقالارى بار.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات