14:42, 25 - قاراشا 2020 | GMT +6
الماتى وبلىسىندا 34 جاستاعى ايەلدى كولىكتە پىشاقتاپ ءولتىرىپ كەتكەن
الماتى. قازاقپارات - الماتى وبلىسىندا 34 جاستاعى ايەلدى كولىكتە ءولتىرىپ كەتتى، دەپ حابارلايدى قازاقپارات ءتىلشىسى.
جانتۇرشىگەرلىك وقيعا تۋرالى «نە مولچي» ۇيىمىنىڭ Facebook-تەگى پاراقشاسىندا جاريالاندى. 13 -قاراشادا كۇيەۋى ايەلى مەن 1 جاستاعى قىزىن ەرتىپ قاپشاعاي تاس جولىنداعى «ماگنۋم» ساۋدا ورتالىعىنا بارعان. قايتار جولدا «تۇزگە وتىرامىن» دەگەن كۇيەۋى 300-400 مەتر ەلسىز جەرگە بۇرىلعان. ەر ادامنىڭ ايتۋىنشا، ول كولىكتەن شىعىپ قايتىپ كەلگەندە ايەلى ءولىپ جاتقان. الماتى وبلىستىق پوليتسيا دەپارتامەنتى ولىمگە كىنالى كۇدىكتىلەر ۇستالعانىن ءمالىم ەتتى.
«قازىر بۇل قىلمىسقا كۇدىكتى رەتىندە 37 جاستاعى جانە 34 جاستاعى ەكى ەر ادام ۇستالدى. ولار اسا اۋىر قىلمىستى جاساعانىن مويىندادى»، - دەدى پ د. اتالعان دەرەك بويىنشا قىلمىستىق كودەكستىڭ 99-بابى 2-بولىمىمەن سوتقا دەيىنگى تەرگەۋ امالى باستالدى.