14:00, 24 - ماۋسىم 2019 | GMT +6
ارىستاعى جارىلىس اۋماعىندا قالىپ قويعان 34 ادام شىعارىلدى
ارىس. قازاقپارات - ارىس قالاسىنداعى جارىلىس اۋماعىنان 34 ادام قاۋىپسىز اۋماققا شىعارىلدى، دەپ حابارلايدى قازاقپارات ءتىلشىسى.
«ارىس قالاسىنداعى توتەنشە جاعدايدان 34 ادام اپات اۋماعىنان جەدەل جاردەممەن تاسىمالدانعان. ولار اۋرۋحاناعا جاتقان جوق. قاۋىپسىز اۋماقتارعا جەتكىزىلدى»، - دەلىنگەن قوعامدىق دەنساۋلىق ساقتاۋ دەپەرتامەنتى تاراتقان حابارلامادا.
ەسكە سالساق، بۇگىن تۇركىستان وبلىسىنىڭ ارىس قالاسىنداعى اسكەري ءبولىمنىڭ قويماسىندا ساعات 9:20 دا جارىلىس بولدى. ق ر قورعانىس مينيسترلىگىنىڭ دەرەگىنشە، جارىلىستان زارداپ شەككەندەر جوق.
ق ر پرەزيدەنتى قاسىم-جومارت توقايەۆ ءتيىستى ورگاندارعا ارىستاعى اسكەري بولىمىندەگى وق-ءدارى قويماسىندا بولعان جارىلىستىڭ زارداپتارىن جويۋ تۋرالى تاپسىرما بەردى.