جاپون تەڭىزى اسپانىندا رەسەيلىك ەكى سۋ-34 ۇشاعى سوقتىعىستى
بۇل اقپاراتتى رەسەي قورعانىس مينيسترلىگى راستادى.
قوس ۇشاق 18 - قاڭتاردا تاڭەرتەڭ امۋرداعى كومسومولسك قالاسىنا جاقىن حۋربا اۋەجايىنان ۇشىپ شىعىپ، كەيىن راداردان جوعالىپ كەتكەن. ەكى ۇشاق اۋەدە مانيەۆر جاساپ جۇرگەندە سوقتىعىسقان. وقىس وقيعادان ۇشاقتاردىڭ ءبىرى تەڭىزگە قۇلادى. كەيبىر مالىمەت بويىنشا، قوزعالتقىشى بۇزىلعان ءبىر ۇشاق اۋەجايعا قونعان.
«ينتەرفاكس» اگەنتتىگىنىڭ ءوز دەرەككوزىنە سىلتەمە جاساپ حابارلاۋىنشا، ەكى ۇشاقتىڭ دا ۇشقىشتارى ءتىرى. كاتاپۋلتپەن سەكىرىپ كەتكەن ءبىر ۇشقىش تاتار بۇعازىنان تابىلعان. قۇتقارۋشىلار ەكىنشى ۇشقىشتى ىزدەپ جاتىر.
سۋ-34 ۇشاقتارىن «سۋحوي» كومپانياسى جاساپ، 2014 -جىلى رەسەي قارۋلى كۇشتەرى ساپىنا الىنعان. ستراتەگيا مەن تەحنولوگيانى تالداۋ ورتالىعىنىڭ ەسەبىنشە، 2018 -جىلى رەسەي ارمياسىنا مۇنداي تيپتەگى 12 ۇشاق قوسىلعان.