ا ق ش دوللارى 345 تەڭگەدەن ساتىلىپ جاتىر

استانا. قازاقپارات - قازاقستان قور بيرجاسىندا (KASE) دۇيسەنبى كۇنگى ساۋدا-ساتتىقتىڭ تاڭەرتەڭگىلىك سەسسياسىندا تەڭگەنىڭ ا ق ش دوللارىنا شاققانداعى ورتاشا باعامى 345,77 تەڭگەنى قۇرادى، دەپ حابارلايدى قازاقپارات KASE- گە سىلتەمە جاساپ.

جۇما كۇنگى ساۋدا-ساتتىقپەن سالىستىرعاندا شەتەلدىك ۆاليۋتا باعامى 0,74 تەڭگەگە تومەندەگەن. سەسسيا بارىسىندا ەڭ تومەنگى كۋرس 1 دوللارعا 345,45 تەڭگە، ال ەڭ جوعارعىسى 346,5 تەڭگە دەڭگەيىندە بولعان. ساۋدا كولەمى 86,45 ميلليون دوللارعا جەتتى.

جۇما كۇنى دوللاردىڭ ورتاشا باعامى تاڭعى سەسسيا قورىتىندىلارى بويىنشا 1 دوللارعا 346,51 تەڭگە، كۇندىزگى سەسسيادا 346,81 تەڭگە، ەكى سەسسيانىڭ قورىتىندىلارى بويىنشا 346,68 تەڭگە بولعان. ساۋدانىڭ جالپى كولەمى 200 ميلليون دوللاردى قۇرادى.