قازاقستان جولدارىندا زاڭ بۇزعان جۇك كولىكتەرىنە 34,5 ميلليون تەڭگە ايىپپۇل سالىندى

نۇر-سۇلتان. قازاقپارات - كولىك كوميتەتى 21 -مامىردان باستاپ 31 -تامىزعا دەيىن «نازار اۋدارىڭىز، اۋىر سالماقتى كولىك» تەكسەرۋ ناۋقانىن وتكىزىپ جاتىر، دەپ حابارلايدى قازاقپارات ق ر يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنە سىلتەمە جاساپ.

اكسيا اياسىندا 21 -مامىر مەن 10 -ماۋسىم ارالىعىندا 10174 اۆتوكولىك قۇرالى تەكسەرىلىپ، 202 زاڭ بۇزۋ فاكتىسى انىقتالدى.

ونىڭ ىشىندە 190 قۇقىق بۇزۋشىلىق - قازاقستاندىقتارعا جانە 12 فاكتى - شەتەلدىك تاسىمالداۋشىلارعا قاتىستى. ولارعا 34,5 ميلليون تەڭگەدەن استام ايىپپۇل سالىنىپ، ءجۇرىپ وتكەنى ءۇشىن الىم سوماسى 14 ميلليون تەڭگەنى قۇرادى.

اكسيا ماقساتى - ءىرى گاباريتتى جانە اۋىر سالماقتى جۇكتى تاسىمالداۋ ەرەجەلەرىن بۇزۋدىڭ الدىن الۋ جانە ەسكەرتۋ، سونداي-اق اۋىر سالماقتى كولىكتەردىڭ جولعا زالال كەلتىرۋىنە جول بەرمەۋ. اكسيا بارىسىندا رەسپۋبليكا جولدارىندا كولىك قۇرالدارىنا باقىلاۋ كۇشەيتىلەدى.

ايتا كەتەيىك، اكسيا باستالعالى بەرى احۋال ورتالىعىنىڭ 77080880080+ ءنومىرلى Whats Аpp مەسسەندجەرىنە 1025 ءوتىنىش كەلىپ ءتۇستى.