قىتايدا ءبىر تاۋلىكتە 33 مىڭعا جۋىق ادام كوروناۆيرۋس جۇقتىردى
25 قاراشا, 22:18

قىتايدا ءبىر تاۋلىكتە 33 مىڭعا جۋىق ادام كوروناۆيرۋس جۇقتىردى

بەيجىڭ. قازاقپارات - قۇرلىقتاعى قىتايدا وتكەن تاۋلىكتە COVID-19 ينفەكسياسىن جۇقتىرۋدىڭ 32943 جاڭا جاعدايى انىقتالدى.

بۇل تۋرالى جۇما كۇنى ق ح ر دەنساۋلىق ساقتاۋ ماسەلەلەرى جونىندەگى مەملەكەتتىك كوميتەتى ءمالىم ەتتى، دەپ حابارلايدى قازاقپارات مەنشىكتى ءتىلشىسى.

اۋرۋ جۇقتىرۋشىلاردىڭ 29840 ى - سيمپتومسىز تاسىمالداۋشىلار، 3103 ادامدا كوروناۆيرۋس راستالعان.

سوڭعى كۇندەرى گۋاڭدۋڭ، حەبەي پروۆينتسيالارىندا، سونداي- اق چۋڭشيڭ مەن بەيجىڭنىڭ ورتالىق قالالارىندا اۋرۋعا شالدىققاندار سانى ارتقانى بايقالدى.

قىتاي استاناسىنىڭ بيلىگى تۇرعىنداردان كۇردەلى ەپيدەميولوگيالىق جاعدايعا بايلانىستى ۇيىنەن شىقپاۋدى ءوتىندى.

بەيجىڭدە قاراشا ايىنىڭ باسىنان بەرى 10 مىڭنان استام ادامنىڭ كوروناۆيرۋس جۇقتىرعانى انىقتالدى.

قاراشا ايىنان باستاپ قىتايدىڭ بارلىق دەرلىك ايماقتارىندا كوروناۆيرۋس جىلدام تاراپ، اۋرۋ جۇقتىرعاندار سانى ارتىپ جاتىر.

ماتەريكتىك قىتايدا كوروناۆيرۋس جۇقتىرۋشىلاردىڭ ماكسيمالدى ءوسىمى ەكىنشى كۇن قاتارىنان جاڭارىپ وتىر.

24-قاراشادا ەلدە COVID-19 ينفەكسياسىنىڭ 31 مىڭنان استام جاعدايى تىركەلدى.

ەسكە سالا كەتەيىك، قىتايدا سوڭعى 6 اي ىشىندە العاش رەت كوروناۆيرۋستان بولعان كىسى ءولىمى 22-قاراشا كۇنى تىركەلگەن بولاتىن.

فوتو: russian.news.cn

جاڭالىقتار