10:59, 22 - قاراشا 2020 | GMT +6
ەلورداداعى جارىلىس: 33 ادام زارداپ شەكتى
نۇر-سۇلتان. قازاقپارات - ەلوردادا ءدامحاناداعى جارىلىس سالدارىنان 33 ادام زارداپ شەكتى.
بۇل تۋرالى نۇر-سۇلتان قالالىق دەنساۋلىق ساقتاۋ باسقارماسىنان ءمالىم ەتتى، دەپ حابارلايدى قازاقپارات ءتىلشىسى.
«شۇبار اۋدانىندا گاز باللونىنىڭ جارىلۋى سالدارىنان 33 ادام زارداپ شەكتى. ءتۇرلى دەنە جاراقاتىن العان ولاردىڭ بارلىعى جەدەل جاردەم قىزمەتىمەن قالا اۋرۋحانالارىنا جەتكىزىلدى. بەيىندى ماماندار، مەديتسينا قىزمەتكەرلەرى زارداپ شەگۋشىلەرگە تولىقتاي مەديتسينالىق كومەك كورسەتۋدە»، - دەپ اتاپ وتەدى باسقارمادان.
باسقارما مالىمەتىنشە، وقيعا ورنىندا 3 جەدەل مەديتسينالىق جاردەم بريگاداسى جۇمىس ىستەپ جاتىر. بارلىعى 22 بريگادا جۇمىلدىرىلعان. بۇعان دەيىن ەلوردادا ءدامحانالاردىڭ بىرىندە گاز باللونى جارىلىپ، 1 ادامنىڭ قازا تاپقانىن حابارلاعان ەدىك.